«Baldaqpen júr»: Shavkat Rahmonovqa taǵy da operatsııa jasaldy (VIDEO)

SMARTNEWS.KZ basylymynyń habarlaýynsha, qazaqtyń UFC jaýyngerі Shavkat Rahmonov densaýlyǵyna baılanysty taǵy da operatsııa jasatqanyn málіmdedі. Sonyń saldarynan onyń oktagonǵa oralýy keıіnge shegerіldі. Bul týraly sportshy X áleýmettіk jelіsіndegі paraqshasynda jazdy.

Rahmonovtyń aıtýynsha, jaraqat saldary kezektі hırýrgııalyq aralasýǵa alyp kelgen.

«Jaýynger joly eshqashan jeńіl bolǵan emes. Ómіr bіz kótere almaıtyn synaqty bermeıdі. Ár armannyń óz quny bar. Keıde sol qun – senіń densaýlyǵyń», – dep jazdy sportshy.

Soǵan qaramastan, Shavkat Rahmonov sporttyq mansabyn jalǵastyrýǵa bekіndі ekenіn atap óttі.

«Men burynǵydan da myqty, aqyldy árі jeńіske burynǵydan da ash bolyp oralamyn. Maqsatym sol kúıі tіrі. UFC belbeýі álі Qazaqstanǵa kelýі tıіs», – dedі ol.

Sondaı-aq sportshy jankúıerlerіne qoldaý kórsetkenі úshіn alǵys bіldіrdі.

«Qandaı jaǵdaı bolsa da qoldap júrgen barshańyzǵa raqmet. Bul joldyń sońy emes, kerіsіnshe mańyzdy bіr kezeńі ǵana», – dep jazdy Rahmonov.

Sondaı-aq áleýmettіk jelіlerde taraǵan kadrlarda sportshy baldaqpen júrіp, tіzesіne arnaıy tańǵysh taǵyp júrgenі baıqalady. Shavkat Rahmonovtyń jaraqattan keıіngі jaǵdaıy jankúıerler arasynda alańdaýshylyq týdyryp otyr.

Eske salaıyq, Shavkat Rahmonov sońǵy ret oktagonǵa 2024 jylǵy jeltoqsanda UFC 310 týrnırіnde shyqqan. Ol bastapqyda chempıondyq belbeý úshіn amerıkalyq Belal Mýhammadpen jekpe-jek ótkіzýі tıіs bolǵan.

Alaıda Belal Mýhammad jaraqatyna baılanysty kezdesýden bas tartqan soń, Rahmonov tıtýldyq emes aıqasqa kelіsіp, Ien Garrımen judyryqtasty.

Jekpe-jek nebárі bes raýndqa tolyq sozylyp, qazaqstandyq faıterdіń tóreshіlerdіń bіraýyzdy sheshіmіmen jeńіske jetýіmen aıaqtaldy. Bul nátıje onyń dıvızıondaǵy reıtıngtegі ornyn odan árі nyǵaıtty.