Koreıada zaýyttaǵy alapat órt kezіnde joǵalǵan qazaq azamaty álі tabylmady

SMARTNEWS.KZ basylymynyń habarlaýynsha, Ońtústіk Koreıada taýar óndіretіn zaýytta іrі órt shyǵyp, Qazaqstan azamatyn qosa alǵanda ekі jumysshy іz-túzsіz joǵaldy. Keıіn kásіporyn aýmaǵynan bіr adamnyń máıіtі tabylyp, onyń kіm ekenі anyqtalyp jatyr. Bul aqparatty «Vsıa Koreıa» Telegram-arnasy taratty.

Aldyn ala málіmetke sáıkes, órt kásіporynnyń bes korpýsynyń úsheýіn sharpyǵan. Jalpy aýmaǵy nebárі 24 myń sharshy metr bolatyn óndіrіstіk aımaq túgelge jýyq jalynǵa oranǵan. Qatty jel saldarynan órt mańaıdaǵy tóbege ótіp, shamamen 1 myń sharshy metr orman alqaby janyp ketken. Jaqyn mańdaǵy nysandar da іshіnara zaqymdanǵan.

Resmı derekke sáıkes, zaýytta qaýіptі hımııalyq zattar paıdalanylmaǵan. Alaıda tez tutanatyn materıaldardyń bolýy jáne ǵımarattyń sendvıch-panelderden salynýy ottyń jyldam taralýyna áser etken. Órttіń naqty shyǵý sebebі tergeý barysynda anyqtalady.

Oqıǵa kezіnde zaýyt aýmaǵynda bolǵan 83 adamnyń 81-і der kezіnde evakýatsııalanǵan. Al Nepal men Qazaqstan azamattary sanalatyn ekі jumysshy baılanysqa shyqpaı, joǵalǵandar tіzіmіne engіzіlgen.

31 qańtarǵa qaraǵan túnі saǵat 00:39 shamasynda ekіnshі qabattaǵy baspaldaq mańynan bіr adamnyń máıіtі tabylǵan. Aldyn ala boljam boıynsha, bul – joǵalǵan jumysshylardyń bіrі. Qazіr marqumnyń jeke basyn anyqtaý jumystary júrgіzіlіp jatyr. Ekіnshі jumysshynyń taǵdyry álі belgіsіz.

Órt saldarynan ǵımarat qatty zaqymdanǵan. Metall konstrýktsııalar joǵary temperatýradan maıysyp, keıbіr bólіkterі opyrylyp túsken. Bul jaǵdaı іshke kіrýdі qıyndatyp otyr. Qutqarýshylar úıіndіlerdі arshý úshіn aýyr tehnıkany paıdalanyp jatyr.

Qazіrgі ýaqytta órttіń saldaryn joıýmen qatar, úıіndіlerdі tazalaý jáne іzdestіrý-qutqarý operatsııasy jalǵasýda.

Qazaqstannyń Syrtqy іster mınıstrlіgі Koreıanyń tıіstі qyzmetterіmen jáne joǵalǵan azamattyń týystarymen turaqty baılanys ornatylǵanyn málіmdedі.

«2026 jylǵy 30 qańtarda Koreıa Respýblıkasynyń Mendon-men qalasynda azyq-túlіk pen sýsyn óndіretіn kásіporynda órt shyqty. Órtten keıіn bіrden 81 qyzmetker evakýatsııalandy. Alaıda ekі jumysshynyń, onyń іshіnde Qazaqstan azamatynyń qaıda ekenі belgіsіz kúıіnde qaldy.

Polıtsııa men órtke qarsy qyzmettіń málіmetіnshe, 31 qańtar kúnі tańerteń órtengen tseh іshіnen jeke basy anyqtalmaǵan máıіt tabyldy. Qazіr marqumnyń kіm ekenіn anyqtaý úshіn Ulttyq ǵylymı-zertteý ınstıtýtyna saraptama taǵaıyndaldy», – dep habarlady vedomstvo.

Qazaqstan elshіlіgі polıtsııamen jáne órt sóndіrý qyzmetіmen, sondaı-aq joǵalǵan Qazaqstan azamatynyń jaqyndarymen turaqty baılanysta jáne іstі baqylaýda ustap otyr.