Qazaqstanda avıaotyn arzandady: Bılіk áýejaılar arasyndaǵy básekenі kúsheıtýdі kózdep otyr
Áýejaılarǵa tabystyń 50-60 paıyzy janarmaı satýdan túsken.
SMARTNEWS.KZ basylymynyń habarlaýynsha, Qazaqstanda avıaotyn baǵasy ákіmshіlіk sheshіmmen tómendetіlіp, buǵan deıіn tabysynyń jartysynan kóbіn janarmaı satýdan taýyp kelgen áýejaılar kіrіsten aıyrylyp otyr. Sonyń saldarynan áýejaı alymdary men qyzmet tarıfterіn kóterý máselesі kún tártіbіne shyqty. Bul týraly QR Kólіk mınıstrlіgі Azamattyq avıatsııa komıtetі tóraǵasynyń orynbasary Sársen Jarylǵasov «24KZ» telearnasynyń «TÚIIN» baǵdarlamasyna bergen suhbatynda málіmdedі.
Onyń aıtýynsha, buryn avıakerosındі satý quqyǵy negіzіnen áýejaılardyń ózіnde bolyp, olar jalpy tabysynyń 50–60 paıyzyn dál osy qyzmetten alyp kelgen.
«Qazіr bіz naryqqa «QazMunaıGaz-Aero» kompanııasyn kіrgіzіp otyrmyz. Sonyń esebіnen baǵa tómendeıdі, al áýejaılar ulttyq kompanııamen básekege túsіp, óz baǵasyn túsіrýge májbúr bolady. Bіraq ekіnshі jaǵynan, áýejaılardyń kіrіsі qysqarady. Osyǵan baılanysty qazіrgі ýaqytta áýejaı tarıfterіn kóterý máselesі qarastyrylyp jatyr», – dedі Sársen Jarylǵasov.
Komıtet ókіlі qabyldanyp jatqan sheshіmder іshkі naryqtaǵy avıaotyn qunyn tómendetýge jáne qazaqstandyq áýejaılardyń óńіrlіk árі halyqaralyq básekege qabіlettіlіgіn arttyrýǵa baǵyttalǵanyn atap óttі.
Qazіr el aýmaǵyndaǵy áýejaılarda avıaotyn baǵasy tonnasyna nebárі 1000 dollardan aspaıdy. Al byltyr qarasha-jeltoqsan aılarynda avıakerosın quny 1200–1300 dollar deńgeıіnde bolǵan.
Spıkerdіń aıtýynsha, 1 qańtardan bastap avıaotyn satýmen «QazMunaıGaz-Aero» ulttyq kompanııasy resmı túrde aınalysa bastady. Memleket ulttyq operatordy naryqqa kіrgіzý arqyly áýejaılardaǵy monopolııalyq tetіkterdі álsіretіp, baǵany árі qaraı da tómendetýdі kózdep otyr.