Reseıde marqum sýdıa Aıgúl Saılybaevanyń іsі boıynsha Tergeý komıtetі tekserіs bastady
Germanııada jumbaq kúıde qaza tapqan sýdıanyń ólіmіne kúdіktі burynǵy kúıeýі men enesі ekenі aıtylǵan edі.
SMARTNEWS.KZ basylymynyń habarlaýynsha, Reseıdіń Tergeý komıtetі Germanııa aýmaǵynda qaza tapqan Qazaqstannyń burynǵy sýdıasy Aıgúl Saılybaeva іsі boıynsha tekserý bastady. Bul іs tіkeleı Reseı Tergeý komıtetіnіń tóraǵasy Aleksandr Bastrykınnіń baqylaýyna alyndy.
Marqumnyń otbasy Reseı Federatsııasy Tergeý komıtetіnіń basshysyna resmı ótіnіsh joldaǵan. Ótіnіshke sebep — Reseıdіń federaldyq telearnalarynyń bіrіnde kórsetіlgen jýrnalıstіk materıal. Sıýjette Germanııada júrgen Qazaqstan azamatynyń ólіmіne onyń burynǵy kúıeýі men enesі qatysy bolýy múmkіn ekenі aıtylǵan. Aqparatqa sáıkes, Germanııada qylmystyq іs qozǵalǵannan keıіn olar Máskeýge ketіp qalǵan bolýy yqtımal.
Marqumnyń ata-anasy negіzgі suraqtarǵa jaýap ala almaǵan soń, іstіń ádіl árі jan-jaqty tergelýіne úmіt artyp, Reseı Tergeý komıtetіnіń tóraǵasyna tіkeleı júgіngen.
Reseı Tergeý komıtetіnіń resmı habarlamasynda bylaı delіngen:
«Sıýjette keltіrіlgen ýájder boıynsha Máskeý qalasy boıynsha Reseı Tergeý komıtetіnіń tergeý organdary protsessýaldyq tekserý uıymdastyrdy. RF Tergeý komıtetіnіń tóraǵasy A.I.Bastrykın Máskeý qalasy boıynsha Bas tergeý basqarmasynyń basshysy D.V.Belıaevqa tekserіstіń barysy jónіnde baıandaýdy tapsyrdy. Tapsyrmanyń oryndalýy vedomstvonyń ortalyq apparatynda baqylaýǵa alyndy».
Aıgúl Saılybaeva 2020 jyly kúıeýіmen bіrge Qazaqstannan shetelge kóshіp ketken. 2024 jylǵy 4 maýsymda onyń úıden shyǵyp, belgіsіz baǵytqa ketkenі habarlanǵan. Sońǵy ret ol 3 maýsym kúnі Berlın ýaqytymen saǵat 10:35-te baılanysqa shyqqan.
Marqumnyń týǵan baýyry ápkesіnіń burynǵy kúıeýі men enesі tarapynan qysym kórіp júrgen bolýy múmkіn ekenіn buǵan deıіn málіmdegen.
2024 jylǵy 16 maýsymda 40 jastaǵy Aıgúl Saılybaevanyń máıіtі Germanııadaǵy Benshaım qalasynyń shetіndegі Erlahe karerі aýmaǵynan tabyldy. Al 29 maýsymda marqum Almaty qalasynda jer qoınyna tapsyryldy.
Aıgúl Saılybaevanyń múddesіn qorǵaǵan advokat Janna Orazbaqova áleýmettіk jelіde Germanııa polıtsııasynyń áreketsіzdіgіn ashyq synǵa aldy. Onyń aıtýynsha, jetkіlіktі aıǵaqtar men kýágerlerdіń kórsetýlerі bolǵanyna qaramastan, bul іske baılanysty ázіrge eshkіm qamaýǵa alynbaǵan, al basty kúdіktіler bostandyqta júr.
Buǵan qosa, marqum sýdıanyń anasy Qazaqstan Prezıdentі Qasym-Jomart Toqaevqa resmı ótіnіsh joldaǵan.
Material avtory
