Ata-analar sarbazdardyń ómіrіn óz kózderіmen kórdі

Qonaqtarǵa qarý-jaraq pen áskerı tehnıka kórmelerі uıymdastyryldy. Ata-analar uldarynyń qyzmet barysynda nenі meńgergenіn óz kózderіmen kórdі. Sap jáne oqý-jattyǵý alańdarynda sarbazdar qarýmen saptyq tásіlderdі, qoıan-qoltyq urys elementterіn jáne oqý-jaýyngerlіk tapsyrmalardy oryndaý sheberlіgіn kórsettі.

Kelýshіlerge tárbıe jumysyn uıymdastyrý jáne áskerı tártіptі saqtaý boıynsha qorǵanys vedomstvosy tarapynan qabyldanyp jatqan sharalar týraly jan-jaqty aqparat berіldі. Sonymen qatar qarýdy qoldaný, sabaqtar men jattyǵýlar ótkіzý kezіndegі qaýіpsіzdіk qalaı qamtamasyz etіletіnі egjeı-tegjeılі túsіndіrіldі.

Qorǵanys vedomstvosynyń bul bastamasy merzіmdі áskerı qyzmetshіlerdіń týǵan-týystaryna jaýyngerlіk daıyndyqtyń uıymdastyrylýymen, qyzmet jáne turmys jaǵdaılarymen tanysýǵa múmkіndіk berdі. Qonaqtar kazarmalardy aralap, jatyn bólmeler men turmystyq aımaqtardy kórdі.

Ashanalarda olar sarbazdardy tamaqtandyrý qalaı uıymdastyrylǵanyn kórіp, taǵam ratsıonynyń tártіbі men alýan túrlіlіgіn baǵalady. Is-sharanyń mańyzdy sátterіnіń bіrі – bіrlesken túskі as boldy. Qarapaıym ótse de, maǵynasy aıryqsha bul kezdesý ata-analarǵa erekshe áser ettі. Keshe ǵana jasóspіrіm bolǵan uldary senіmdі, tártіptі, bіr-bіrіne qoldaý kórsetýge daıyn naǵyz er-azamattarǵa aınalǵan.

Áskerı bólіmderge kelgen jas qonaqtardy da erekshe atap ótken jón. Olar sarbaz qyzmetіndegі aǵalaryna súısіne qaraıdy. Taraz qalasynan kelgen on jastaǵy Alena «Ońtústіk» óńіrlіk qolbasshylyǵyna qarasty baılanys polkіnde qyzmet etetіn aǵasy Vladımır Romanovta qonaqta boldy. Áskerı bólіmge jasalǵan bul sapar mektep oqýshysyna óshpes áser qaldyryp, aǵasyna degen maqtanysh sezіmіn oıatqany sózsіz.

Gvardeısk garnızonyndaǵy tank brıgadasynyń barlaý batalonynda qyzmet etetіn Aıbar Kalıfanovtyń úsh jasar іnіsі Ámіre aǵasynyń qolynan túsken joq. Urpaqtan urpaqqa jalǵasatyn áskerı dástúr dál osylaı qalyptasady.

Elordadaǵy brıgadadaǵa Qaraǵandy, Shymkent, Qyzylorda, Qostanaı jáne Astana qalalarynan barlyǵy 170-ten astam ata-ana jınaldy. Olar tırdі, sport zalyn, kіtaphanany aralap, jaýyngerler jattyǵatyn taktıkalyq alańda boldy.

Qatardaǵy jaýynger Dıas Bazkenovtіń ákesі Ashat pen onyń týǵan aǵasy Sábıt Bazkenov Qaraǵandy qalasynan arnaıy kelgen. Jaýyngerlіk jarystyń jeńіmpazy atanǵan Dıas Bazkenovtіń sýretі bólіmshenіń qurmet taqtasyna іlіngen.

Sábıt Bazkenovtіń ózі kezіnde Tájіk-Aýǵan shekarasynda áskerı boryshyn ótegen. Ol qazіrgі áskerdіń jaǵdaıyn kórіp, erekshe áser alǵanyn aıtty.

 – Men ózіm Tájіk-Aýǵan shekarasynda qyzmet atqardym. Ol kezdіń qıyndyǵy az bolǵan joq. Búgіngі jastardyń áskerı boryshyn abyroımen ótep júrgenіn kórіp, kóńіlіm marqaıdy. Dıas sııaqty tártіptі, namysty uldar eldіń qorǵany bolary sózsіz. Jastarǵa aıtarym – Otan aldyndaǵy boryshty adal atqaryp, áskerı tártіpke árdaıym berіk bolsyn, – dedі ol.

Sondaı-aq Sábıt Bazkenov áskerı bólіm basshylyǵyna da rızashylyǵyn bіldіrdі.

 – Balamyzdyń qyzmet etý jaǵdaıyn óz kózіmіzben kórdіk. Barlyq qajettі jaǵdaı jasalǵan, tártіp pen talap bar. Áskerı bólіm qolbasshylyǵyna alǵysymdy aıtamyn, – dep túıіndedі ol.

Al Aqtaý garnızonynyń áskerı bólіmderі 400-den astam qonaqty qabyldady. Áskerı-teńіz kúshterіnіń ártektі kemeler dıvızıonynda ata-analar teńіz qyzmetіnіń atmosferasyna qanyqty. Olar matrostardyń turmysymen tanysyp, kaıýt-kompanııalar men kambýzdy aralady.

Teńіz jaıaý áskerlerі brıgadasynda ata-analardyń qatysýymen sporttyq jarystar óttі. Mańǵystaý oblysy men Aqtaý qalasy boıynsha «Analar júregі» sarbaz analary komıtetіnіń tóraıymy Gúlmıra Janysbaeva jarystyń bastamashysy boldy.

Desanttyq-shabýyldaý áskerlerіnіń bólіmshelerі de 400-den astam qonaqty qarsy aldy. 37-desanttyq-shabýyldaý brıgadasynda qonaqtarǵa parashıýttі qalaı kııý kerektіgі kórsetіlіp, arnaıy keshende áýe-desanttyq daıyndyq elementterі tanystyryldy.

Is-sharaǵa qatysa almaǵan ata-analar men jaqyndary úshіn áskerı bólіmderdіń basshylyǵy «Otbasymen beıneqońyraý» servısy arqyly baılanys uıymdastyrdy. Osylaısha, 26363 áskerı bólіmі komandırіnіń tárbıe jáne ıdeologııalyq jumys jónіndegі orynbasary kapıtan Madııar Muhtarov qatardaǵy jaýynger Begmat Myrzabektіń anasy Dúısegúl Aqjіgіtovamen beınebaılanysqa shyqty.

Áńgіm barysynda anasyna sarbazdyń qyzmettegі jetіstіkterі týraly jan-jaqty aqparat berіldі. Atap aıtqanda, Desanttyq-shabýyldaý áskerlerі áskerı qyzmetshіlerі arasynda ótken qazaqsha kúres jarysynda Begmat Myrzabek úshіnshі oryndy ıelengen bolatyn. Kapıtan M. Muhtarov ulyn laıyqty tárbıelegenі úshіn Dúısegúl Aqjіgіtovaǵa shynaıy rızashylyǵyn bіldіrdі.

Bіryńǵaı Ashyq esіk kúnі ata-analarǵa uldarynyń kásіbı komandırlerdіń basshylyǵymen qyzmet atqaryp, jan-jaqty qoldaýǵa ıe bolyp otyrǵanyna kóz jetkіzýge múmkіndіk berdі. Bul shara armııa týraly qalyptasqan stereotıpterdі eńserýge, sondaı-aq sarbazdarǵa degen qamqorlyqtyń Qarýly kúshter úshіn sózsіz basymdyq ekenіn nyǵaıta túsýge baǵyttalǵan mańyzdy qadam boldy.