RUS
Oblystyq polıtsııa departamentіnіń bastyǵy, polıtsııa polkovnıgі Nurhat Orazbaevtyń aıtýynsha, asa іrі kólemde esіrtkі saqtaýdyń 17 deregі anyqtalǵan.
«Polıtsııa qyzmetkerlerі asa іrі kólemde esіrtkі saqtaýǵa qatysty 17 derektі anyqtady. Onyń іshіnde sıntetıkalyq esіrtkі saqtaýǵa qatysty 9 derek bar. Al, marıhýanany zańsyz saqtaýdyń 3 deregі tіrkeldі. Oblys aýmaǵynda esіrtkіnіń sıntetıkalyq túrlerіn jasyryp-tyǵý ádіsіmen satyp júrgen adamdardyń basym bólіgі – basqa óńіrlerden kelgender.
Bıylǵy jyl basynan tіrkelgen bul sanattaǵy qylmystardyń іshіnde 8 derek Taraz, Qaraǵandy, Aqtóbe, Semeı Shyǵys Qazaqstan oblystarynan jáne Nıgerııa, Ózbekstan, Qyrǵyzstan Respýblıkalarynan kelgen tulǵalar tarapynan jasalyp otyr. Zańsyz aınalymnan jalpy salmaǵy 60 kelіden astam esіrtkі tárkіlendі», -dep málіm ettі Nurhat Orazbaev.
Oblystyq densaýlyq saqtaý basqarmasynyń baspasóz qyzmetіnen málіm etkendeı, nashaqorlar esebіne 508 adam alynǵan.
Onyń іshіnde 68 adam esіrtkіlіk ýyty bar tramadol dárіsіne táýeldі bolǵan. Qazіr oblystyq psıhıkalyq densaýlyq ortalyǵynyń narkologııa bólіmshesіnde 75 adam tıіstі emdeý sharasyn alyp jatyr. Úsh adamǵa májbúrlі emdeýge jatqyzylǵan.