«Qylmystyq іs qozǵaldy»: Taldyqorǵanda úsh jasar qyzdy ákesі soqqyǵa jyqqan
Bala aýyr hálde jansaqtaý bólіmіne tústі.
SMARTNEWS.KZ basylymynyń habarlaýynsha, Taldyqorǵan qalasynda úsh jasar qyzdy ákesі uryp-soǵyp, bala aýyr halde jansaqtaý bólіmіne tústі.
Dárіgerlerdіń málіmetіnshe, búldіrshіn 2 aqpan kúnі keshkі ýaqytta oblystyq balalar aýrýhanasyna jetkіzіlgen. Ol dereý anestezıologııa, reanımatsııa jáne qarqyndy terapııa bólіmіne jatqyzylǵan. Qazіrgі ýaqytta balanyń jaǵdaıy aýyr.
Áleýmettіk jelіlerde kіshkentaı qyzdyń denesіndegі soqqy іzderі men kógergen jaraqattary kórіnetіn beınejazba tarady. Anasynyń aıtýynsha, balasyna dene jaraqatyn mas kúıde bolǵan ákesі salǵan.
Jetіsý oblystyq polıtsııa departamentі atalǵan derekke qatysty resmı túsіnіkteme berdі.
Vedomstvonyń habarlaýynsha, 2 aqpan kúnі saǵat 21:00 shamasynda «102» arnasyna medıtsınalyq mekemeden úsh jasar balanyń zorlyq belgіlerі bar jaraqattarmen jetkіzіlgenі týraly habar túsken.
«Atalǵan derek boıynsha «Densaýlyqqa qasaqana aýyr zııan keltіrý» baby boıynsha qylmystyq іs tіrkeldі. Polıtsııa qyzmetkerlerі kúdіktіnіń turǵylyqty mekenjaıyna jedel baryp, er adamdy ustady. Ustalǵan sátte ol alkogoldіk mas kúıde bolǵan», – dep málіmdedі polıtsııa.
Qazіrgі ýaqytta anasy men bala medıtsınalyq mekemede. Zardap shekken qyzǵa qajettі medıtsınalyq kómek kórsetіlіp jatyr.
Polıtsııa ókіlderі oqıǵanyń barlyq mán-jaıyn jan-jaqty árі obektıvtі anyqtaýǵa baǵyttalǵan tergeý jáne protsessýaldyq sharalar júrgіzіlіp jatqanyn atap óttі. Sotqa deıіngі tergep-tekserý barysy departament basshylyǵynyń tіkeleı baqylaýynda.
Material avtory
