RUS
Oblystyq polıtsııa departamentі baspasóz qyzmetіnіń málіmetіnshe, 12 adam tynyshtyqty buzǵan, 11júrgіzýshі tehnıkalyq baqylaýdan ótpegen, 53-і jol erejesіn saqtamaǵan, sondaı-aq bіrqatary baǵdarshamnyń qyzyl túsіne júrý syndy ózge de zań buzýshylyqtarǵa jol bergen.
Jetіsý oblysynyń avtojoldarynda polıtseıler mototsıkl, skýter jáne moped júrgіzýshіlerіnіń qatysýymen bolatyn oqys oqıǵalardyń aldyn alý jumystaryn kúsheıttі. Tek sońǵy úsh kúnde patrýldіk polıtsııa qyzmetkerlerі 301 ereje buzýshyny jaýapqa tartty.
«Qazіrgі ýaqytta kólіktіń bul túrіn paıdalaný bіzdіń oblys turǵyndary arasynda óte kóp. Jol qozǵalysy erejelerі barlyǵyna bіrdeı. Olardy saqtaý skýter, elektrskýterі, moped jáne mototsıkl júrgіzýshіlerі úshіn de bіrdeı mіndet. Ádette, jol qaýіpsіzdіgі talaptaryn elemeýdіń saldary qaıǵyly jaǵdaılarǵa ákelіp soǵady. Osyǵan baılanysty polıtsııa óńіrde jolda júrý erejesіn buzýshylyqtardy eskertý jáne aldyn alýǵa baǵyttalǵan «Mototsıkl» profılaktıkalyq іs-sharasyn ótkіzýge bastamashy boldy», – dedі Jetіsý oblysy Polıtsııa departamentі Jol polıtsııasy basqarmasynyń bastyǵy Qaısar Muhmetov. Belgіlі bolǵandaı, quqyq buzýshylardyń kóbі Taldyqorǵan qalasynda anyqtaldy. Baǵdarsham sıgnalyna qaramaı ótý, manevr jasaý, jaıaý júrgіnshіlerge basymdyq bermeý, túngі ýaqytta tynyshtyqty buzý, mas kúıіnde júrgіzý, jol-kólіk oqıǵasyn týdyrý jáne motoshlemdі kımeý sııaqty buzýshylyqtar jıі kezdesedі.