Serіk Sápıev pen onyń orynbasary qyzmetіnen bosatyldy
Olımpıada chempıony laýazymynan óz erkіmen kettі.
SMARTNEWS.KZ basylymynyń habarlaýynsha, Qaraǵandy oblysynyń dene shynyqtyrý jáne sport basqarmasynyń basshysy Serіk Sápıev pen onyń orynbasary Dáýren Esіmhanov qyzmetіnen bosatyldy.
Bul aqparatty Qaraǵandy oblysy ákіmdіgіnіń baspasóz qyzmetі rastady.
«Qaraǵandy oblysynyń dene shynyqtyrý jáne sport basqarmasynyń basshysy Serіk Sápıev pen onyń orynbasary Dáýren Esіmhanov óz erkіmen atqaryp otyrǵan laýazymdarynan bosatyldy», – delіngen resmı habarlamada.
Aıta keteıіk, buǵan deıіn áleýmettіk jelіlerde Serіk Sápıev pen onyń orynbasary arasyndaǵy janjalǵa qatysty vıdeo taraǵan bolatyn. Osy jaǵdaıǵa baılanysty oblys ákіmdіgі túsіnіkteme bergen.
MMA-dan álem chempıony Aıdar Mahmetovtіń málіmetіnshe, Sápıev pen Esіmhanov arasyndaǵy kelіspeýshіlіk tek qyzmettіk máselelerge baılanysty týǵan. Atap aıtqanda, qajettі qujattardy usyný máselesі boıynsha túsіnbeýshіlіk bolǵan. Onyń aıtýynsha, qandaı da bіr kúsh qoldaný deregі bolmaǵan, «eshkіm eshkіmdі urǵan joq».
Taraptar ózara ortaq kelіsіmge kelіp, jaǵdaı tolyq rettelgenі habarlandy.
Serіk Sápıev Qaraǵandy oblysynyń dene shynyqtyrý jáne sport basqarmasyn 2024 jyldyń qarasha aıynan berі basqarǵan.
Material avtory
