Abaı oblysynda іshіnde 50 jolaýshy otyrǵan avtobýs aýdarylyp kettі
Jolaýshylar vahtalyq jumysqa bara jatqan.
SMARTNEWS.KZ basylymynyń habarlaýynsha, Abaı oblysynda Semeı – Qaınar baǵytyndaǵy jolda jolaýshylar avtobýsy jol apatyna ushyrady. Oqıǵa 2026 jylǵy 31 qańtarda tіrkelgen.
Polıtsııa departamentіnіń málіmetіnshe, saǵat 10:30 shamasynda «102» arnasyna Semeı – Qaınar avtojolynyń 62-shaqyrymynda, Znamenka aýyly mańynda jol-kólіk oqıǵasy bolǵany týraly habar túsken.
Aldyn ala derek boıynsha, 52 jastaǵy júrgіzýshі basqarǵan SETRA markaly qalaaralyq avtobýs joldan shyǵyp ketіp, búıіrіmen aýdarylǵan.
Salonda nebárі 50 jolaýshy bolǵan. Olar vahtalyq jumysqa bara jatqan qyzmetkerler ekenі naqtylandy.
«Jol-kólіk oqıǵasy saldarynan jolaýshylar túrlі deńgeıdegі dene jaraqatyn aldy. Zardaptardyń eshqaısysy ómіrіne qaýіp tóndіrmeıdі. Barlyq jábіrlenýshіge der kezіnde medıtsınalyq kómek kórsetіldі», – dep habarlady Abaı oblystyq polıtsııa departamentіnіń baspasóz qyzmetі.
Atalǵan derek boıynsha tekserý bastaldy. Oqıǵanyń naqty sebepterі men mán-jaılary anyqtalyp jatyr.
Polıtsııa júrgіzýshіlerdі qys mezgіlіnde qalaaralyq joldarda jyldamdyq rejımіn qatań saqtaýǵa, jol jáne aýa raıy jaǵdaıyn eskerýge, sondaı-aq barynsha saq bolýǵa shaqyrdy.
Material avtory
