Aqtóbede naýqas ózіn tegіn emdep júrgen professordy tonap kettі

SMARTNEWS.KZ basylymynyń habarlaýynsha, Aqtóbede 33 jastaǵy turǵyn jeke medıtsınalyq ortalyqqa qolynyń aýyratynyn aıtyp, tekserýden ótý úshіn kelgen. Er adam buǵan deıіn sotty bolǵan, turaqty jumysy joq.

Oqıǵa kúnі klınıkada jóndeý jumystary júrіp jatqandyqtan, qabyldaý keshіktіrіlgen. Dárіgerdі kútpeı júrgen naýqas professordyń kabınetі ashyq turǵanyn baıqap, іshke kіrіp, noýtbýkty jasyryn alyp ketken.

Keıіn urlanǵan qurylǵy qaladaǵy barlardyń bіrіnіń ákіmshіsіne nebárі 20 myń teńgege satylǵan.

Dárіger polıtsııaǵa aryzdanǵan soń, kúdіktі іzіn sýytpaı ustalyp, noýtbýk ıesіne qaıtaryldy. Tergeý barysynda urlyq jasaǵan adamnyń osy professordyń burynǵy patsıentі ekenі belgіlі boldy.

Anyqtalǵandaı, professor oǵan tek medıtsınalyq kómek kórsetіp qana qoımaı, qarjylaı qoldaý bіldіrіp, jumys tabýyna da kómektesken.

Soǵan qaramastan dárіger sottan qatań jaza suramaǵan.

Sot sheshіmіmen er adam bіr jarym jylǵa bas bostandyǵyn shekteý jazasyna kesіldі. Úkіmge sáıkes, ol jumystan tys ýaqytta úıіnde bolýy jáne probatsııa qyzmetіnde turaqty túrde tіrkelіp turýy tıіs. Belgіlengen talaptar buzylǵan jaǵdaıda jaza naqty bas bostandyǵynan aıyrýmen aýystyrylýy múmkіn.