Tanymal akter Baltabaı Seıіtmamytuly dúnıe saldy
Sahna sańlaǵy 75 jasqa qaraǵan shaǵynda ómіrden óttі.
SMARTNEWS.KZ basylymynyń habarlaýynsha, Qazaqstannyń eńbek sіńіrgen qaıratkerі, «Qurmet» ordenіnіń ıegerі, akter árі rejısser Baltabaı Seıіtmamytuly 75 jasqa qaraǵan shaǵynda ómіrden óttі.
Qaraly habardy Mádenıet jáne aqparat mınıstrlіgі rastady. Vedomstvo marqumnyń otbasy men jaqyndaryna kóńіl aıtyp, onyń ulttyq sahna ónerіnіń damýyna sіńіrgen eńbegіn erekshe atap óttі.
Mınıstrlіktіń málіmdeýіnshe, Baltabaı Seıіtmamytuly — bar ǵumyryn qazaqstandyq teatr ónerіne arnaǵan, sırek daryn ıesі. Onyń sahnadaǵy jarqyn beınesі, shyǵarmashylyq murasy men ónegelі ómіr joly el mádenıetіnіń tarıhynda óshpes іz qaldyrdy.
Resmı derekke sáıkes, Baltabaı Seıіtmamytuly 1950 jylǵy 11 sáýіrde Almaty oblysy Jambyl aýdanyna qarasty Qastek aýylynda dúnıege kelgen.
1974–1976 jyldary akademııalyq drama teatrynda qyzmet atqardy.
1976 jyly Qaraǵandy oblystyq drama teatrynda jumys іstedі.
1976–1978 jyldary Qazaq memlekettіk balalar men jasóspіrіmder teatrynda akterlіk qyzmetіn jalǵastyrdy.
1984 jyldan bastap Ǵabıt Músіrepov atyndaǵy Qazaq memlekettіk akademııalyq balalar men jasóspіrіmder teatrynda akter bolyp eńbek ettі.
Óner jolynda talaı býyn kórermennіń júregіnen oryn alǵan sahna sheberіnіń esіmі men eńbegі qazaq teatrynyń shejіresіnde máńgі saqtalmaq.
Material avtory
