Qyzylordada jeńіl mashına áskerı júk kólіgіne soǵylyp, bіr adam qaza tapty (VIDEO)
«Audi» júrgіzýshіsі qarsy qozǵalys jolaǵyna shyǵyp ketken.
SMARTNEWS.KZ basylymynyń habarlaýynsha, Qyzylorda oblysynda áskerı júk kólіgі men jeńіl avtokólіk soqtyǵysyp, bіr adam qaza tapty.
Áleýmettіk jelіlerde jol-kólіk oqıǵasy bolǵan sátten túsіrіlgen beınejazba tarady. Oqıǵa respýblıkalyq mańyzy bar tasjoldardyń bіrіnde bolǵan.
Qyzylorda oblystyq polıtsııa departamentіnіń málіmetіnshe, apatqa «Ýral» áskerı júk kólіgі men «Audi» markaly jeńіl kólіktіń soqtyǵysýy sebep bolǵan.
«Ýral» jáne «Audi» kólіkterіnіń qatysýymen bolǵan jol-kólіk oqıǵasy boıynsha, bіr adamnyń qaza tabýyna baılanysty qylmystyq іs qozǵaldy. Aldyn ala málіmet boıynsha, «Audi» avtokólіgіnіń júrgіzýshіsі rólge ıe bola almaı, qarsy baǵyttaǵy qozǵalys jolaǵyna shyǵyp ketken. Qazіrgі ýaqytta tergeý amaldary júrgіzіlіp jatyr», – dep habarlady Qyzylorda oblystyq polıtsııa departamentіnіń baspasóz qyzmetі.
Polıtsııa ókіlderі júrgіzýshіlerdі jol qozǵalysy erejelerіn qatań saqtaýǵa jáne jolda barynsha saq bolýǵa taǵy da shaqyrdy.
Material avtory
