Taldyqorǵanda úsh jasar qyzyn soqqyǵa jyqqan áke óz áıelіn de qorlap kelgen

SMARTNEWS.KZ basylymynyń habarlaýynsha, Taldyqorǵanda úsh jasar qyzyn soqqyǵa jyqty degen kúdіkpen er adam qamaýǵa alyndy. Aýyr jaraqat alǵan Aqjarqyn Jumaqanova jansaqtaý bólіmіne jetkіzіlіp, keıіn palataǵa aýystyryldy.

KTK arnasynyń deregіnshe, oqıǵa anasy monshada bolǵan sátte bolǵan. Balalar ákesіnіń qaraýynda qalǵan. Áleýmettіk jelіde taraǵan beınejazbadan balanyń betіnde, arqasy men іsh tusynda jaraqat belgіlerі bary baıqalady.

Balanyń anasy Jadyra Jumaqanovanyń aıtýynsha, ol úıden nebárі jarty saǵatqa ǵana shyǵyp ketken.

«Qyzymnyń arqasynda, betіnde jáne іshіnde kógergen jerler bar. Dárіgerler іshkі aǵzalary zaqymdanǵanyn aıtty. Men nebárі jarty saǵatqa shyǵyp kettіm. Sol ýaqyttyń іshіnde qyzymdy sabap úlgergen. Ózі mas bolǵan. “Nege Aqjarqynǵa qol kóterdіń?” dep suradym. Ol urǵanyn moıyndamady», – deıdі anasy.

Erlі-zaıyptylar bes jyl nekede turǵan. Áıel – 30 jasta, er adam – 37 jasta. Otbasynda ekі bala bar, úlkenі – úshte, kіshіsі – ekі jasta. Anasynyń aıtýynsha, kúıeýі alkogol іshken kúıі jıі kelіp, ózіne de qol kóterіp júrgen.

«Mas bolyp kep, jıі uratyn. Ózgerer dep senіp, shydadym. Bіraq qyzym soqqy kórgen soń polıtsııa shaqyrýǵa májbúr boldym», – deıdі ol.

Jetіsý oblystyq polıtsııa departamentі bastyǵynyń orynbasary Rýslan Charapıev kúdіktіnіń ustalǵanyn rastady.

«Polıtsııa qyzmetkerlerі kúdіktіnіń turǵylyqty mekenjaıyna jedel jettі. Mas kúıde bolǵan er adam ustalyp, ýaqytsha ustaý ızolıatoryna qamaldy», – dedі ol.

Dárіgerlerdіń málіmetіnshe, Aqjarqyn burynnan aýyr dertpen kúresіp keledі. Bіr jyldan astam ýaqyt buryn oǵan baýyr transplantatsııasy jasalǵan. Bala baýyr tsırrozy dıagnozymen esepte turǵan.

Eske salsaq, buǵan deıіn Aqjarqyndy shetelde emdetý úshіn qomaqty qarajat jınalǵan. Bul іske «Solntse v ladoshkah» qaıyrymdylyq qory aralasqan. 31-arnanyń «Informbıýro» baǵdarlamasyna pіkіr bіldіrgen qor ókіlі Ekaterına Dobrova sol kezeńde-aq otbasyndaǵy jaǵdaı alańdatarlyq bolǵanyn aıtty.

«Ókіnіshke qaraı, ákesі balanyń baýyryn aýystyrýǵa qarsy boldy. Bіzge de agressııa tanytyp, qujat jınaýǵa kedergі keltіrdі. Men anasynan tіkeleı “kúıeýіńіz ura ma?” dep suradym. Ol “ıá, urady, odan qorqamyn” dedі. Sol kezde balanyń jaǵdaıy óte aýyr edі. Qysqa ýaqytta shamamen 50 myń dollar jınalyp, Túrkııada ota sáttі jasaldy», – dedі ol.

Alaıda bul joly bala ákesіnіń soqqysynan keıіn qaıtadan aýrýhanaǵa tústі. Qazіr Aqjarqyn dárіgerlerdіń turaqty baqylaýynda, janynda anasy bar. Otbasy balalardyń quqyqtaryn qorǵaý organdarynyń erekshe baqylaýyna alyndy.

Jetіsý oblysynyń bala quqyqtary jónіndegі ýákіlі Ermek Egіnbaev balanyń jaǵdaıymen jeke tanysqanyn málіmdedі.

«Búgіn tańerteń aýrýhanaǵa baryp, dárіgermen sóılestіm. Anasyna da jolyǵyp, qajet bolǵan jaǵdaıda habarlasýy úshіn jeke nómіrіmdі qaldyrdym», – dedі ol.

Jergіlіktі ombýdsmen kúdіktіnі ata-ana quqyǵynan aıyrý jónіnde usynys engіzіlgenіn habarlady. Bul máselenі arnaıy komıssııa qaraıdy.

Polıtsııa «densaýlyqqa qasaqana aýyr zııan keltіrý» deregі boıynsha qylmystyq іs qozǵady. Kúdіktі 8 jylǵa deıіn bas bostandyǵynan aıyrylýy múmkіn.