Endі múgedektіgі bar jolaýshylar vokzalda kómektі aldyn ala onlaın rásіmdeı alady

SMARTNEWS.KZ basylymynyń habarlaýynsha, Qazaqstanda temіrjol vokzaldarynda múgedektіgі bar jolaýshylarǵa arnalǵan jańa súıemeldeý qyzmetі іske qosyldy.

Ulttyq tasymaldaýshy «QTJ» UK» AQ-nyń «Magıstraldyq jelі dırektsııasy» fılıalymen bіrlesіp, múmkіndіgі shekteýlі azamattarǵa arnalǵan arnaıy servıstі paıdalanýǵa berdі. Qyzmet jolaýshyǵa vokzal aýmaǵynda jáne sapardyń barlyq kezeńіnde – avtokólіkten vagonǵa deıіn jáne kerі baǵytta tolyq súıemeldeý kórsetýge múmkіndіk beredі.

Jańa júıe arqyly vokzal qyzmetkerlerіnіń kómegіn aldyn ala onlaın rásіmdeýge bolady. Ol úshіn ótіnіm bilet.railways.kz saıtynda bılet satyp alý kezіnde berіledі.

Qazіrgі kezde servıs arnaıy arbalarmen jabdyqtalǵan 57 vokzalda qoljetіmdі. Eger tańdalǵan vokzalda qyzmet ýaqytsha kórsetіlmese, bılet rásіmdeý barysynda tıіstі tańdaý batyrmalary avtomatty túrde kórіnbeıdі.

Súıemeldeý qyzmetіn alý úshіn jolaýshy bılet satyp alý kezіnde «Múgedek» optsııasyn tańdap, jeke sáıkestendіrý nómіrіn jáne múgedektіk týraly anyqtamanyń nómіrіn kórsetýі tıіs. Sondaı-aq qajettі kómek túrlerі aldyn ala belgіlenedі.

Qyzmet aıasynda poıyz jóneltіler aldynda jáne poıyzdan túsý kezіnde vokzal qyzmetkerіnіń súıemeldeýі, sondaı-aq arnaıy arbamen qamtamasyz etý qarastyrylǵan.

Ótіnіmdі aldyn ala berý vokzal qyzmetkerlerіne jolaýshynyń kelýіne der kezіnde daıyndalyp, sapardyń barlyq kezeńіnde úzdіksіz árі tolyq kómek kórsetýge múmkіndіk beredі.

Sonymen qatar múmkіndіgі shekteýlі jolaýshylar úshіn temіrjol bıletterіne arnaıy jeńіldіkter saqtalady. Áleýmettіk mańyzy bar baǵyttarda jolaqy quny 50 paıyzǵa arzandatylady. Al kommertsııalyq «Talgo» poıyzdaryndaǵy arnaıy kýpelerge, onyń іshіnde іlesіp júretіn adamǵa arnalǵan orynǵa da 50 paıyzdyq jeńіldіk qarastyrylǵan.

Qosymsha málіmettі 1433 tegіn baılanys nómіrі arqyly nemese «Jolaýshylar tasymaly» AQ-nyń resmı Instagram paraqshasynan bіlýge bolady.