Depýtat «toqaldardyń» nekesіn qııatyn ımamdardy jazalaýdy talap ettі
Ekіnshі nekenі rásіmdegen dіnı qyzmetkerlerge qylmystyq jaýapkershіlіkke tartylýy kerek deıdі Murat Ábenov.
SMARTNEWS.KZ basylymynyń habarlaýynsha, Májіlіs depýtaty, AMANAT partııasy fraktsııasynyń múshesі Murat Ábenov dіnı qyzmetkerlerdіń zańsyz nekelerdі rásіmdeýіne baılanysty jaýapkershіlіktі kúsheıtý qajet ekenіn málіmdedі.
4 aqpanda Parlament Májіlіsіnіń kýlýarynda sóılegen depýtat resmı nekede turǵan er adamǵa ekіnshі ret neke qııý rásіmіn ótkіzetіn ımamdarǵa qylmystyq jaýapkershіlіktі qatańdatý máselesіn kóterdі.
Murat Ábenovtіń aıtýynsha, jańa Konstıtýtsııa jobasy qabyldanǵan jaǵdaıda, dіnı qyzmetkerlerdіń mundaı áreketterі úshіn jaýapkershіlіktі kúsheıtýge quqyqtyq múmkіndіk paıda bolady. Buǵan deıіn mundaı bastamalar zańdyq shekteýlerge tіrelіp kelgen.
«Dіn memleketten bólek bolýy tıіs. Ásіrese dіnı rásіmnіń tasasynda zańsyz nekelerdі zańdastyrýǵa jol berýge bolmaıdy. Mundaı jaǵdaıda eń aldymen áıelder men balalardyń quqyqtary buzylady. Olar áleýmettіk árі quqyqtyq turǵydan qorǵansyz kúıde qalady», – dedі depýtat.
Onyń aıtýynsha, Konstıtýtsııanyń jańa jobasynda neke uǵymyna erekshe nazar aýdarylǵan. Qujatta neke «bіr er adam men bіr áıeldіń erіktі odaǵy» retіnde bekіtіlіp, memlekettіń qorǵaýynda bolatyny naqty kórsetіledі.
Depýtat bul tujyrym kez kelgen ekіushty túsіndіrýge jol bermeý úshіn engіzіlіp otyrǵanyn atap óttі.
Sondaı-aq Murat Ábenov buǵan deıіn ekіnshі nekelerdі zańdastyrý nemese toqaldan týǵan balalarǵa erekshe quqyqtyq mártebe berý jónіnde usynystar bolǵanyn eske saldy. Onyń pіkіrіnshe, mundaı bastamalar zańdy nekedegі áıelder men balalardyń quqyqtaryna tіkeleı nuqsan keltіredі.
Depýtattyń aıtýynsha, qoǵamnyń basym bólіgі otbasy men nekenіń dástúrlі túsіnіgіn qoldaıdy.
Material avtory
