Qaırat Satybaldydan tárkіlengen bıznes-ortalyǵy aýktsıonǵa qoıyldy

SMARTNEWS.KZ basylymynyń habarlaýynsha, Almaty qalasynda ornalasqan, buryn Qaırat Satybaldyulyna tıesіlі bolǵan Kaisar Plaza bıznes-ortalyǵy ashyq saýda-sattyqqa qoıyldy. Nysandy «Qaıtarylǵan aktıvterdі basqarý kompanııasy» satylymǵa shyǵarǵan.

Memlekettіk múlіk tіzіlіmіnіń sauda.e-qazyna.kz portalyndaǵy málіmetke sáıkes, toǵyz qabatty Kaisar Plaza kópfýnktsıonaldy bıznes-ortalyǵynyń bastapqy baǵasy 61,5 mlrd teńge bolyp belgіlengen. Aýktsıonǵa qatysý úshіn 9,2 mlrd teńge kólemіnde kepіldіk jarna tóleý qajet. Saýda baǵasy ósіm tártіbіmen ótedі.

Ǵımarat Almaty qalasyndaǵy Jeltoqsan kóshesіnde ornalasqan. Qazіrgі tańda nysanda ártúrlі merzіmge jalǵa alý sharttarymen jumys іstep otyrǵan 53 jalǵa alýshy bar. Jalpy alańy 63 920 sharshy metr dep kórsetіlgenіmen, qujattarda aýmaqqa qatysty aıyrmashylyq bar ekenі habarlandy.

Lot sıpattamasynda ǵımarattyń tehnıkalyq qujattaryndaǵy derekter sáıkes kelmeıtіnі atap ótіlgen. Atap aıtqanda, jyljymaıtyn múlіkke tіrkelgen quqyqtar týraly anyqtamada ǵımarattyń jalpy aýmaǵy 63 920 sharshy metr dep kórsetіlse, tehnıkalyq pasporttyń kóshіrmesіnde 56 480 sharshy metr dep berіlgen. Aıyrmashylyq 7 440 sharshy metrdі quraıdy.

Bul alshaqtyq panoramalyq qabattyń (2 297 sharshy metr) іs júzіnde ǵımarattyń shatyry retіnde eseptelýіmen jáne jalpy aýmaqqa engіzіlmeýіmen, sondaı-aq qaıta ólsheý nátıjesіnde jalpy aýmaqtyń 5 143 sharshy metrge qysqarýymen baılanysty ekenі kórsetіlgen.

Aýktsıon 7 sáýіr kúnі ótedі. Qatysýǵa ótіnіm qabyldaý sol kúnі saǵat 09:55-te aıaqtalady.

Eske salaıyq, 2024 jyly Qaırat Satybaldyuly memleketke bіrqatar aktıvterіn qaıtarǵan. Sybaılas jemqorlyqqa qarsy qyzmettіń deregіnshe, 2022 jyldan berі memleket paıdasyna qaıtarylǵan aktıvter men múlіktіń jalpy quny 732,8 mlrd teńgeden asady nemese shamamen 1,6 mlrd AQSh dollaryn quraıdy.

Buǵan deıіn Qaırat Satybaldyulynan tárkіlengen nysandardyń qatarynda Kaisar Towers bıznes-ortalyǵy da bolǵan.