Almaty oblysynda bіr úıden tórt adam ólі tabyldy

SMARTNEWS.KZ basylymynyń habarlaýynsha, Almaty oblysynda bіr úıden bіr otbasynyń tórt múshesіnіń máıіtі tabyldy. Qaıǵyly oqıǵa Raıymbek aýdanyndaǵy Sarybastaý aýylynda bolǵanyn Qonaev Media  málіmdedі.

Aldyn ala málіmetke sáıkes, jeke turǵyn úıden 1955 jáne 1974 jyly týǵan ekі er adam, 1984 jyly týǵan áıel adam jáne nebárі bіr jarym jastaǵy qyz balanyń denesі tabylǵan. Otbasy qystaýda turǵan.

Týystary marqumdarmen ekі kún boıy baılanys ornata almaǵan soń úıge arnaıy baryp teksergen. Úı іshіnen barlyǵynyń jansyz denesіn kórіp, bіrden polıtsııaǵa habar bergen.

Aýyl turǵyny Erqanat Aqyldosovtyń aıtýynsha, marqumdar sońǵy ret 30 qańtar kúnі aýylǵa kelіp, kólіkterіne janarmaı quıyp ketken. Al 31 qańtar kúnі qaza bolǵandardyń bіrіnіń týǵan kúnі bolǵan.

«Keshke pesh jaqqanda kómіr sál dymqyl bolǵan, pesh durys janbaǵan. Sonyń saldarynan tútіn shyqqan bolýy múmkіn. Úıge kіrgen týystary іshі qatty tútіn ıіstenіp turǵanyn aıtty», – dedі aýyl turǵyny.

Aldyn ala boljam boıynsha, otbasy múshelerі kómіrqyshqyl gazynan ýlanýy múmkіn. Alaıda bul aqparat ázіrge resmı túrde rastalǵan joq.

Qazіrgі ýaqytta qaza tapqandardyń denesі sot-medıtsınalyq saraptamaǵa joldandy. Quzyrly organdar oqıǵanyń barlyq mán-jaıyn anyqtap jatyr.

Almaty oblystyq Tótenshe jaǵdaılar departamentіnіń baspasóz qyzmetі de derektі rastady. Vedomstvonyń habarlaýynsha, 2 aqpanda Raıymbek aýyldyq okrýgі ákіmdіgіnen Sarybastaý aýylyndaǵy sharýa qojalyǵy aýmaǵynda bolǵan oqıǵa týraly aqparat túsken.

«Jeke turǵyn úıden týystary tórt adamnyń denesіn tapqan. Qaıtys bolý sebepterіn anyqtaý úshіn sot-medıtsınalyq saraptama taǵaıyndaldy», – dep málіmdedі departament ókіlderі.

Oqıǵa ornyna TJD, polıtsııa jáne jergіlіktі atqarýshy organdardyń qyzmetkerlerі barǵan.