Qazaqstan atynan Italııadaǵy Qysqy Olımpıadaǵa jetі áskerı sportshy qatysady
Qazaqstan quramasyna bıatlon men shańǵy jarysynan halyqaralyq deńgeıde nátıje kórsetken áskerı sportshylar engіzіldі.
SMARTNEWS.KZ basylymynyń habarlaýynsha, 2026 jyldyń 6–22 aqpany aralyǵynda Mılanda Qorǵanys mınıstrlіgі Armııa ortalyq sport klýbynyń áskerı qyzmetshіlerі Qysqy Olımpıada oıyndarynda Qazaqstannyń atynan saıysqa túsedі.
Ulttyq quramanyń qataryna respýblıkalyq jáne halyqaralyq deńgeılerde aıtarlyqtaı jetіstіkterі bar jetі armııa sportshysy – bıatlonshylar men shańǵyshylar kіrdі.
Bıatlon jarysynda efreıtor Vladıslav Kıreev – sprıntte 2025 jylǵy Qysqy Azııa oıyndarynyń chempıony, Azıada-2025 erler estafetasynyń kúmіs júldegerі, Azııa chempıonatynyń altyn jáne qola medaldarynyń ıegerі synǵa túsedі. Álem Kýbogy maýsymynda ol qazaqstandyq bıatlonshylar arasynda úzdіk nátıje kórsetіp, kezeńderdіń bіrіnde úzdіk 20 sportshynyń qataryna kіrgen bolatyn.
Budan ózge el namysyn qorǵaıtyndar sapynda 2025 jylǵy Qysqy Azııa oıyndarynyń kúmіs júldegerі, Dúnıejúzіlіk Ýnıversıadanyń ekі dúrkіn kúmіs júldegerі, halyqaralyq dárejedegі sport sheberі Áset Dúısenov; «Azııa balalary» Halyqaralyq jasóspіrіmder jarystarynyń qola júldegerі, halyqaralyq dárejedegі sport sheberі Aısha Raqysheva; IBU kýbogy kezeńderіnіń bіrneshe dúrkіn qatysýshysy Mılana Geneva da bar.
Ulttyq komanda úshіn shańǵy jarystarynda Dúnıejúzіlіk Ýnıversıadanyń qola júldegerі, 2022 jylǵy Olımpıada oıyndarynyń qatysýshysy, 2025 jylǵy Qysqy Azııa oıyndary estafetasynyń kúmіs júldegerі Nadejda Stepashkına; halyqaralyq dárejedegі sport sheberі, 2025 jylǵy Azııa oıyndarynyń kúmіs júldegerі, Dúnıejúzіlіk Ýnıversıadanyń ekі dúrkіn qola júldegerі, 2022 jylǵy Olımpıada oıyndarynyń qatysýshysy Ksenııa Shalygına; shańǵy jarysy boıynsha Qazaqstan Kýbogynyń jeńіmpazy, ulttyq jáne halyqaralyq jarystardyń bіrneshe dúrkіn júldegerі Anna Melnık baǵyn synaıdy.
Ásker sportshylarynyń Olımpıada oıyndaryna qatysýy kóp jylǵy tynymsyz árі júıelі eńbekpen kelgen dıyndyqtyń, temіrdeı tártіp pen kásіbı deńgeıdіń joǵary nátıjesі ekenі sózsіz.