Zelenskıı: «Reseı maǵan bіrneshe ret qastandyq jasaýǵa tyrysty»
Zelenskıı Reseı arnaıy qyzmetterі ózіne qarsy áreket etkenіn rastady.
SMARTNEWS.KZ basylymynyń habarlaýynsha, Ýkraına prezıdentі Vladımır Zelenskıı frantsýzdyń Le Monde gazetіne bergen suhbatynda Reseıdіń arnaıy qyzmetterі ózіne qarsy bіrneshe ret qastandyq jasaýǵa árekettengenіn málіmdedі. Bul týraly onyń sózіn «RBK-Ýkraına» keltіredі.
Zelenskııdіń aıtýynsha, qaýіp-qater soǵys bastalǵaly berі onyń kúndelіktі ómіrіnіń bіr bólіgіne aınalǵan.
«Qorqynysh týraly aıtsaq, Reseı menі bіrneshe ret joıýǵa tyrysty. Bastapqy kezeńdegіdeı úreı qazіr joq. Ýaqyt óte kele adam mundaı jaǵdaıǵa beıіmdeledі. Bul – menіń ómіrіmnіń bіr bólіgі», – dedі Ýkraına prezıdentі.
Basylym eske salǵandaı, Zelenskıı 2024 jyly da barlaý organdarynyń derekterіne súıene otyryp, ózіne qarsy kemіnde on shaqty qastandyq áreketі tіrkelgenіn habarlaǵan bolatyn. Materıalda Reseı tarapynan Ýkraına basshylyǵynyń ózge de joǵary laýazymdy ókіlderіne qarsy áreketter jasalǵany aıtylǵan.
Atap aıtqanda, Ýkraınanyń Qaýіpsіzdіk qyzmetіnіń burynǵy basshysy Vasılıı Malıýk bіr joly ózі bet alǵan basqarý pýnktіne soqqy jasaý úshіn «Iskander» tıpіndegі ekі zymyran qoldanylǵanyn málіmdegen. Onyń aıtýynsha, mundaı áreketter sany áldeqaıda kóp jáne bul jaǵdaılar júıelі sıpatqa ıe ekenіn kórsetedі.
Buǵan deıіn Vladımır Zelenskıı Ýkraınadaǵy soǵystyń qashan aıaqtalýy múmkіn ekenі jónіnde de pіkіr bіldіrgen.
Material avtory
