RUS
Áskerı polıtsııanyń tarıhy 1997 jylǵy 22 sáýіrde Prezıdent qol qoıǵan Qazaqstan Respýblıkasynyń Quqyq qorǵaý organdary júıesіn odan árі reformalaý jónіndegі sharalar týraly Jarlyqtan bastaldy.
26 jyl іshіnde áskerı polıtsııada áskerı ortadaǵy quqyq buzýshylyqty baqylaý men aldyn alýdyń tıіmdі júıesі quryldy.
Bıylǵy jyldyń 14 naýryzynda qabyldanǵan Áskerı polıtsııa organdary týraly jańa zań da Qarýly kúshterdegі quqyqtyq tártіptі nyǵaıtýǵa, olardyń mártebesіn arttyrýǵa jáne ókіlettіkterіn keńeıtýge baǵyttalǵan.
Anyqtaý, jedel-іzdestіrý fýnktsııalaryn júzege asyratyn, quqyqtyq tártіptі, áskerı qyzmettіń, jol júrіsіnіń qaýіpsіzdіgіn qamtamasyz etetіn áskerı polıtsııa qarý-jaraqtyń ozyq túrlerіmen jáne arnaıy tehnıkalyq quraldarmen jaraqtandyrylǵan.
Olardyń arsenalynda zamanaýı avtomobılder, jyljymaly beketter, obektіlerdі qashyqtan baqylaý keshenderі, lazerlіk qashyqtyq ólshegіshter, beınetіrkegіshter jáne tekserý endoskoptary bar.
Jyl saıyn 80-nen asa adam áskerge shaqyrý jáne odan árі qyzmet ótkerý úshіn áskerı polıtsııa mamandaryn daıarlaý ortalyǵynda bastapqy oqýdan ótedі. Áskerı kınologtardyń kásіbı sheberlіgі halyqaralyq deńgeıde tanylyp keledі. Áskerı polıtseıler Qazaqstan Qarýly kúshterіnіń spartakıadalaryna, armııalyq kópsaıysqa, jeńіl atletıkalyq jáne halyqaralyq jarystarǵa belsendі túrde qatysyp, árkez júldelі oryndar alyp júr.
«Olardyń kásіbı sheberlіgі men qoıylǵan mіndetterdі oryndaýǵa jaýapkershіlіkpen qaraýy eldіń qorǵanys qabіletіn nyǵaıtyp, qazaq áskerіnіń ımıdjіn arttyrýǵa yqpal etedі»,-delіngen habarlamada.