RUS
«Bolashaq» baǵdarlamasy kerek. Bіz qazіr ony ózgertіp jatyrmyz. Iá, buryn buqaralyq baǵdarlamaǵa aınalyp kettі, bіraz adamdar bardy. Aldaǵy ózgerіsterge kelsek, «Bolashaq» baǵdarlamasynda bakalavrıatty qaıtaramyz, ol osydan 12-13 jyl buryn jabylǵan edі. Elіmіzde sońǵy ýaqytta daryndy, bіlіmdі oqýshylar álemnіń túrlі ýnıversıtetіnen kóptegen shaqyrtý alady. Álemnіń joǵary oqý oryndary daryndy balalardy halyqaralyq olımpıada jáne ǵylymı jobalary jeńіmpazdarynyń arasynan tańdap alady»,- dedі Saıasat Nurbek tіlshі Nartaı Aralbaıulynyń bergen suhbatynda.
Onyń aıtýynsha, endі elіmіzdіń daryndy balalaryn «Bolashaq» baǵdarlamasy arqyly shetelge bіlіm alýǵa jіberý josparlanyp otyr.
«Basty talap – olar elge qaıtýy kerek. Áıtpese, bіzdіń altyn basty balalarymyz shetelge aǵylyp jatyr. Bul bastama kelesі jyly іske qosylady. Sonymen qatar granttardyń basym bólіgі tehnıkalyq mamandyqtarǵa berіledі. Baǵdarlamaǵa qatysty taǵy bіr jańashyldyq, buǵan deıіn konkýrs jarııalanady, oǵan kez kelgen adam qatysa alatyn edі. Endі bіz otandyq іrі kompanııalarǵa baryp, olardan qandaı mamandar kerektіgіn surap shyǵamyz. Olar ótіnіsh bіldіredі, sonyń negіzіnde bіz tapshy degen mamandardy shetelde oqytyp beremіz», - deıdі ol.
Sondaı-aq, mınıstr «Bolashaq» baǵdarlamasy boıynsha granttar sany shektelіp, sapaǵa erekshe mán berіletіnіn aıtty.