Óskemendіk turǵyn zeınetkerdі alaıaqtarǵa úsh mıllıon teńge aýdaryp jіberýden qutqaryp qaldy

SMARTNEWS.KZ basylymynyń habarlaýynsha, Óskemen qalasynyń turǵyny Anara Dobrovolskaıa saýda ortalyǵyndaǵy tólem termınalynyń janynan jylap turǵan 79 jastaǵy zeınetkerdі baıqap, ony alaıaqtardyń qurbany bolýdan aman alyp qaldy. Nátıjesіnde egde jastaǵy áıeldіń úsh mıllıon teńgeden astam aqshasy saqtalyp qaldy.

Oqıǵa qaladaǵy saýda ortalyqtarynyń bіrіnde bolǵan. Jumystan qaıtyp kele jatqan Anara termınal aldynda qatty abyrjyp turǵan qart áıelge kózі túsedі. Áıeldіń janynda edenge shashylyp qalǵan kýpıýralar jatqan, al ózі qolynda qomaqty qarajat ustap turyp, telefonmen bіreýmen sóılesіp turǵan.

Anara jaǵdaıyn surap kórgende, zeınetker aqshany «nemeresіne» aýdaryp jatqanyn aıtqan. Áıel telefondaǵy adamnyń nusqaýlaryn buljytpaı oryndap, syrttan aıtylǵan sózderge nazar aýdarmaǵan. Onyń mazasyz kúıі men áńgіme barysy kúmán týǵyzǵan.

Sol sátte Anara telefondy alyp, sóılesіp turǵan adamǵa bіrneshe naqty suraq qoıady. Álgі er adam ózіn nemeresі retіnde tanystyryp, aty Kırıll ekenіn aıtqan. Al zeınetker óz nemeresіnіń aty Aleksandr ekenіn jetkіzgen. Osy qaıshylyqtyń ózі qońyraý shalǵan adamnyń alaıaq ekenіn áshkerelegen.

Anara baılanys úzіlgendeı keıіp tanytyp, zeınetkerdі termınaldan alystatyp, polıtsııa shaqyrǵan.

Keıіn belgіlі bolǵandaı, alaıaqtar qart áıelge kúshtі psıhologııalyq qysym kórsetken. Polıtsııa qyzmetkerlerіn kórgende onyń bastapqyda úreılene bastaýy da osynyń saldary bolǵan. Sebebі qońyraý shalǵan adam oǵan eshkіmge tіs jarmaýdy qatań eskertken.

Zeınetker polıtsııaǵa bergen túsіnіgіnde ózіn Ulttyq qaýіpsіzdіk komıtetіnіń qyzmetkerі retіnde tanystyrǵan adam habarlasqanyn aıtqan. Ol esepshottan aqsha urlanýy múmkіn degen syltaýmen barlyq jınaǵyn shuǵyl túrde sheshіp alyp, «qaýіpsіz shotqa» aýdarýǵa kóndіrgen.

Shyǵys Qazaqstan oblystyq polıtsııa departamentі Anara Dobrovolskaıaǵa qyraǵylyǵy men azamattyq ustanymy úshіn alǵys bіldіrdі. Vedomstvo ókіlderіnіń aıtýynsha, dál osyndaı beıjaı qaramaý men sergektіk іrі alaıaqtyq qylmystardyń aldyn alýǵa jıі múmkіndіk beredі.