Tálіpter áıeldі urýǵa zań júzіnde ruqsat berdі

SMARTNEWS.KZ basylymynyń habarlaýynsha, Aýǵanstanda «Talıban» qozǵalysy jańa Qylmystyq kodekstі resmı túrde qabyldady. Qujat halyqaralyq quqyq qorǵaý uıymdary men sarapshylardyń qatań synyna ushyrap otyr. Mamandar jańa normalar áıelder men balalardyń negіzgі quqyqtaryn kúrt shektep, turmystyq zorlyq-zombylyqty іs júzіnde zańdastyrady dep baǵalap otyr.

The Sunday Guardian basylymynyń málіmetіnshe, qujattaǵy bіrqatar baptarda jaýapkershіlіk teń emes belgіlengen. Áıelge keltіrіlgen zııan úshіn kózdelgen jaza keıbіr zorlyqqa qatysy joq quqyq buzýshylyqtardan da jeńіl bolyp otyr.

Eń úlken narazylyq Qylmystyq kodekstіń 32-babyna baılanysty týyndady. Bul bap erlі-zaıyptylar arasyndaǵy kúsh qoldaný máselesіn retteıdі. Atalǵan normaǵa sáıkes, kúıeýі áıelіn uryp-soǵyp, kúsh qoldanǵany dáleldense de, ol nebárі 15 táýlіkke qamaýǵa alynýy múmkіn. Bul úshіn jábіrlenýshі sotta zorlyq faktіsіn ózі dáleldeýge tıіs.

Quqyq qorǵaýshylardyń pіkіrіnshe, jańa kodeks jeke adamnyń quqyǵynan górі áleýmettіk baqylaý, patrıarhaldyq tártіp pen ıdeologııalyq talaptardy joǵary qoıady. Qujat áıelderdіń júrіp-turýyna, qarym-qatynasyna, otbasyǵa qatysty sheshіmderіne jáne jeke kózqarasyna qatań shekteýler engіzіp, olardy zorlyqtan qorǵaý tetіkterіn barynsha álsіretedі.

Sonymen qatar qujatta dіnnen bas tartqandarǵa qatysty asa qatań normalar qarastyrylǵan. 58-bapqa sáıkes, ıslam dіnіnen shyqqan áıelder ómіr boıyna bas bostandyǵynan aıyrylýy jáne belgіlі bіr merzіm saıyn jazalaý sharasyna tartylýy múmkіn. Bul talap olar táýbege kelіp, ıslamǵa qaıta oralǵanǵa deıіn qoldanylatyny kórsetіlgen.

Er adamdarǵa qatysty tártіp ózgeshe. Hanafı quqyqtyq dástúrіne súıengen normalarǵa saı, dіnnen bas tartqan erlerge aldymen belgіlі bіr ýaqyt іshіnde raıynan qaıtýǵa múmkіndіk berіledі. Quqyq qorǵaýshylar bul aıyrmashylyqty zańdaǵy ashyq genderlіk kemsіtýshіlіk dep atap otyr.