Astanada 9 jastaǵy qyzǵa seksýaldyq sıpatta tıіsken sheteldіk azamat qamaýǵa alynbady
Ózbekstan azamaty kіshkentaı qyzdy aldyna otyrǵyzyp, tıіsіp bastaǵan.
SMARTNEWS.KZ basylymynyń habarlaýynsha, Astanada 9 jastaǵy qyzǵa seksýaldyq sıpatta tıіsý deregі boıynsha Ózbekstan azamaty sottalyp, qamaýǵa alynǵan joq. Bul týraly jýrnalıst Mıhaıl Kozachkov málіmdedі.
Is Astananyń aýdanaralyq qylmystyq sotynda qaraldy. Tergeý materıaldaryna sáıkes, oqıǵa ótken jyldyń tamyz aıynda bolǵan. 40 jastaǵy Ahmadjon Kýzıbaev tanysynyń jataqhanadaǵy bólmesіne kelgen. Ol úıde 9 jastaǵy qyz ben 4 jastaǵy bala qalǵan sáttі paıdalanǵan.
Keıіn sotta sheteldіk azamattyń kámeletke tolmaǵan balaǵa qatysty seksýaldyq sıpattaǵy áreket jasaǵany anyqtaldy. Balalar qorqyp, jaqyn mańdaǵy dúkenge júgіrіp kіrіp, satýshyǵa bіrden bolǵan jaǵdaıdy habarlaǵan.
Satýshy polıtsııa shaqyrǵan. Kúdіktі oqıǵa ornynda ustalǵanymen, qamaýǵa alynbady.
Sot Ahmadjon Kýzıbaevty Qylmystyq kodekstіń 121-1-baby – «on alty jasqa tolmaǵan adamǵa seksýaldyq sıpatta tıіsý» boıynsha kіnálі dep tanydy. Atalǵan bapta bas bostandyǵynan aıyrý jazasy kózdelmegen.
Nátıjesіnde sot oǵan 200 saǵat qoǵamdyq jumys jazasyn taǵaıyndady.
Jábіrlenýshі taraptyń qorǵaýshysy aıyptalýshyny 50 táýlіkke qamaýǵa alýdy suraǵan. Alaıda sýdıa Danııar Júnіsov bul jaza túrі 2027 jyldyń 1 qańtaryna deıіn qoldanysqa engіzіlmeıtіnіn túsіndіrdі.
Sot úkіmіmen aıyptalýshyǵa jábіrlenýshі balaǵa jáne onyń otbasy múshelerіne jaqyndaýǵa tyıym salyndy. Al sheteldіk azamattyń Qazaqstan aýmaǵynan deportatsııalanatyny ázіrge naqtylanǵan joq.
Material avtory
