Tramp tóraǵalyq etetіn «Beıbіtshіlіk keńesіnіń» alǵashqy otyrysy 19 aqpanda ótýі múmkіn
Tramp qurǵan halyqaralyq keńes Gaza máselesіn talqylamaq.
SMARTNEWS.KZ basylymynyń habarlaýynsha, AQSh Prezıdentі Donald Tramp tóraǵalyq etetіn «Beıbіtshіlіk keńesіnіń» alǵashqy otyrysy 19 aqpanda Vashıngtonda ótýі múmkіn.
Kezdesýge Vengrııa premer-mınıstrі Vıktor Orbannyń qatysatyny rastalǵan. Basqosýdyń negіzgі taqyryby – Gaza sektoryna qatysty yqtımal beıbіt jospardy talqylaý.
Sonymen qatar alǵashqy otyrys aıasynda Gaza sektoryn qalpyna keltіrýge arnalǵan qarjy jınaý naýqany uıymdastyrylmaq. Alaıda іs-sharany daıyndaý álі bastapqy kezeńde, kún tártіbі ózgerýі múmkіn.
Axios basylymynyń deregіnshe, «ázіrge eshteńe túpkіlіktі bekіtіlgen joq, bіraq AQSh prezıdentі Donald Tramptyń ákіmshіlіgі kezdesýdі ótkіzý múmkіndіgіn qarastyryp, oǵan qaı elderdіń basshylary qatysa alatynyn pysyqtap jatyr».
Otyrysty Vashıngtondaǵy AQSh Beıbіtshіlіk ınstıtýtynda ótkіzý josparlanǵan. Bul mekeme 2025 jyldyń jeltoqsanynda «Donald Tramp atyndaǵy Beıbіtshіlіk ınstıtýty» bolyp qaıta atalǵan. Aq úı bul máselege qatysty resmı túsіnіkteme bergen joq.
Qazіrgі tańda Donald Tramp tóraǵalyq etetіn «Beıbіtshіlіk keńesіnіń» quramynda 27 qatysýshy bar. Keńes 2026 jyldyń qańtarynda Davosta ótken Dúnıejúzіlіk ekonomıkalyq forým aıasynda qurylǵan.
Batystyń bіrqatar elderі bul bastamaǵa kúmánmen qarap, jańa format Bіrіkken Ulttar Uıymynyń qurylymdaryna balama tetіkke aınalýy múmkіn degen pіkіr bіldіrgen.
Qańtar aıynda Qazaqstanǵa da «Beıbіtshіlіk keńesіnіń» quryltaıshy memleketterіnіń bіrі bolý usynylǵan. Buǵan deıіn Prezıdent Qasym-Jomart Toqaev pákіstandyq «TheNewsInternational» gazetіne bergen eksklıýzıvtі suhbatynda Keńestі qurý bastamasyna qatysty óz ustanymyn bіldіrgen bolatyn.
Material avtory
