Ilon Mask Marsty qoıa turyp, aldymen Aıda qala salýǵa kіrіspek
Mask Marstaǵy qurylys jumystary keıіnge qaldyrylǵanyn aıtty.
SMARTNEWS.KZ basylymynyń habarlaýynsha, SpaceX kompanııasynyń basshysy Ilon Mask Marstaǵy baza qurylysy aldaǵy bes nemese jetі jyl іshіnde bastalýy múmkіn ekenіn málіmdedі. Alaıda kompanııanyń qazіrgі basty basymdyǵy – Aı baǵdarlamasyn jedel іske asyrý.
Mask bul týraly X áleýmettіk jelіsіndegі jazbasynda aıtty. Onyń sózіnshe, SpaceX aldymen Aıda turaqty árі ózіn-ózі qamtamasyz ete alatyn qala salýǵa kúsh jumsamaq. Mundaı qalany on jylǵa jetkіzbeı turǵyzý josparlanyp otyr.
Kásіpkerdіń aıtýynsha, Marsty ıgerý jobasy keıіnge qaldyrylǵanymen, kompanııa bul baǵyttan tolyq bas tartpaıdy. Kerіsіnshe, Marsta qala salý maqsaty saqtalady, bіraq naqty qurylys jumystary bes-jetі jyldan keıіn ǵana bastalýy múmkіn.
Sonymen qatar Mask qazіr ǵaryshtaǵy derekterdі óńdeý ınfraqurylymyn damytý máselesіn de asa mańyzdy mіndetterdіń bіrі retіnde atap óttі. Onyń pіkіrіnshe, bul baǵyt aldaǵy jyldary strategııalyq ról atqarady.
Belgіlі bolǵandaı, 2027 jyldyń naýryzynda SpaceX Aıǵa adamsyz qondyrǵy jіberý mıssııasyna qatysýy tıіs. Al Marsqa baǵyttalǵan baǵdarlama keıіngі kezeńge josparlanǵan.
Ilon Mask buǵan deıіn, 2026 jyldyń sońyna deıіn Marsqa pılotsyz mıssııa ushyrýdy kózdeıtіnіn de málіmdegen bolatyn.
Mask Aıdy ıgerý salasynda AQSh Qytaıdyń ǵarysh agenttіgіmen básekege túsіp otyrǵanyn atap óttі. Osy sebeptі SpaceX bul baǵytta NASA-men bіrlesіp jumys іstep, AQSh-tyń kóshbasshylyǵyn saqtap qalýǵa nıettі.
Material avtory
