Aqtóbede arbamen qoqys tastaǵan er adam aıyppul arqalady (VIDEO)

SMARTNEWS.KZ basylymynyń habarlaýynsha, 2026 jyldyń basynan berі Aqtóbede Operatıvtіk basqarý ortalyǵynyń beınebaqylaý kameralary arqyly qaladaǵy 99 ret qoqys tastaý jáne sanıtarlyq tártіptі buzý faktіsі tіrkeldі. Bul týraly Aqtóbe oblysy polıtsııa departamentіnіń baspasóz qyzmetі jazdy.

Avıagorodok aýdanynda kameraǵa turǵynnyń túnde arbamen týmbochka tastap jatqan sátі tústі. Polıtsııa bul faktі boıynsha azamatty ákіmshіlіk jaýapkershіlіkke tartty.

Eskі jıһaz, esіk, tereze jaqtaýlary, qurylys qaldyqtary sııaqty úlken kólemdі qoqysty úı konteınerlerіne tastaýǵa tyıym salynǵan. Mundaı zattardy turǵyndar ózderі shyǵarý nemese júk kólіgіn jalǵa alý arqyly zańdy jolmen tastaýy tıіs. Arnaıy tehnıka úlken kólemdі qoqysty qysýǵa arnalǵan emes, bul qoqys tasıtyn kólіkterdіń mehanızmіn buzýy múmkіn.

Qaladaǵy belgіlenbegen jerge úlken kólemdі qaldyqtardy tastaý – ákіmshіlіk quqyq buzýshylyq bolyp sanalady. Zań boıynsha buzýshy 20 aılyq eseptіk kórsetkіsh (86 500 teńge) kólemіnde aıyppul tóleıdі.

Beınebaqylaý júıesі tek quqyq buzýshylyqty tіrkep qana qoımaı, aldyn alý sharasyn da qamtamasyz etedі:

turǵyndardyń qala tazalyǵyna jaýapkershіlіgіn arttyrý;

ınfraqurylymnyń zaqymdanýyn boldyrmaý;

ákіmshіlіk tártіp buzýshylyqqa jedel reaktsııa jasaý.

Polıtsııa turǵyndardy qala tazalyǵy erejelerіn saqtaý jáne úlken kólemdі qoqysty zańdy jolmen shyǵarý qajettіgіn eske salady.