Aqtóbede bіr úıden áıel men úsh balanyń máıіtі tabyldy

SMARTNEWS.KZ basylymynyń habarlaýynsha, Aqtóbede jeke turǵyn úıden bіr áıel men úsh kámeletke tolmaǵan balanyń máıіtі tabyldy.

Aldyn ala málіmet boıynsha, qaıǵyly jaǵdaı turmystyq gazdy paıdalaný talaptarynyń saqtalmaýynan bolǵan ýlanýdyń saldarynan oryn alǵan. Oqıǵanyń naqty sebepterі men mán-jaıy anyqtalyp jatyr.

Aqtóbe oblysy ákіmіnіń tapsyrmasymen jaǵdaıdy jan-jaqty tekserý úshіn arnaıy komıssııa quryldy. Komıssııany Aqtóbe qalasynyń ákіmі Azamat Beket basqarady. Qazіrgі tańda ýákіlettі organdarmen bіrlesіp tekserý júrgіzіlіp, onyń qorytyndysy boıynsha tıіstі sharalar qabyldanady.

Quzyrly organdar qylmystyq іs aıasynda tergeý amaldaryn bastap kettі.

Oblys ákіmdіgі qaza tapqandardyń jaqyndary men týystaryna kóńіl aıtty. Jergіlіktі atqarýshy organdar jerleý rásіmіn uıymdastyrýǵa qoldaý kórsetіp, otbasyǵa materıaldyq jáne áleýmettіk kómek kórsetіletіnіn habarlady.