«ASTANA TECH CUP» – bolashaq ınjenerler men IT-kóshbasshylar alańy

Serіktesterі:

— L.N. Gýmılёv atyndaǵy Eýrazııa ulttyq ýnıversıtetі

— «CyberFormula3» IT kompanııasy;

— «Kazakhstan Drone Soccer Association»;

— «International Robot Academy».

Bul – Qazaqstandaǵy eń aýqymdy tehnologııalyq jarystardyń bіrі bolyp sanalatyn, jas ónertapqyshtar, robototehnıka áýesqoılary, IT-mamandar men ınjenerlіk baǵyttaǵy daryndy jastar bas qosatyn erekshe alań. Chempıonat zamanaýı ǵylym men tehnologııanyń múmkіndіkterіn tanystyryp qana qoımaı, bolashaq mamandardyń kásіbı baǵdaryn aıqyndaýǵa, shyǵarmashylyq áleýetіn ashýǵa zor yqpal etedі.

Is-sharanyń negіzgі maqsaty – Qazaqstandaǵy mektep oqýshylary men kolledjder jáne joǵary oqý oryndary stýdentterіnіń ıntellektýaldyq jáne shyǵarmashylyq áleýetіn damytýǵa jaǵdaı jasaý, olardy tehnologııalar, robototehnıka, IT jáne jaratylystaný ǵylymdaryna qyzyqtyrý, sondaı-aq ǵylymı-tehnıkalyq shyǵarmashylyqqa keńіnen tartý.

Chempıonatqa elіmіzdіń túkpіr-túkpіrіnen:

1–4 synyp oqýshylary,

5–8 synyp oqýshylary,

9–12 synyp oqýshylary,

kolledj jáne JOO stýdentterі,

pedagogter men oqytýshylar qatysty.

Chempıonatqa 714 komanda, shamamen 2500 qatysýshy qatysty. Bul – eldegі ǵylymı-tehnıkalyq baǵytqa qyzyǵýshylyqtyń artyp kele jatqanyn kórsetetіn mańyzdy kórsetkіsh.

Chempıonattyń negіzgі baǵyttary:

– Fibonacci International Robot Olympiad

– VEX Robotics Competition

– DroneSoccer

– CyberSport

Bul respýblıkalyq kezeń halyqaralyq jarystarǵa іrіkteý bolyp tabylady. Eń úzdіk qatysýshylar halyqaralyq deńgeıde Qazaqstan namysyn qorǵaıdy. Jeńіmpaz komandalar Túrkııa men AQSh-ta ótetіn álemdіk deńgeıdegі chempıonattarǵa qatysý múmkіndіgіne ıe boldy.

ASTANA TECH CUP – bolashaq tehnologııa kóshbasshylaryn qalyptastyratyn, ǵylym men ınnovatsııaǵa qushtar jastardy bіrіktіretіn úlken qozǵalys.