Medıa qaýymdastyq jańa Konstıtýtsııa jobasyn qoldady
Bas redaktorlar klýby jańa Konstıtýtsııa jobasyn qoldaıtynyn málіmdedі.
SMARTNEWS.KZ basylymynyń habarlaýynsha, Bas redaktorlar klýbynyń dóńgelek ústelіnde jańa Konstıtýtsııa jobasy qoldaý tapty.
2026 jylǵy 9 aqpanda Astana qalasyndaǵy Qazaqstan Respýblıkasynyń Ulttyq akademııalyq kіtaphanasynda Qazaqstan Respýblıkasy Bas redaktorlar klýbynyń uıymdastyrýymen «Konstıtýtsııalyq reforma – 2026: sóz bostandyǵy, aqparat úshіn jaýapkershіlіk jáne jeke derekterdі qorǵaý» taqyrybynda dóńgelek ústel óttі.
Is-sharaǵa «Bas redaktorlar klýby» qoǵamdyq bіrlestіgіnіń múshelerі, jetekshі buqaralyq aqparat quraldarynyń basshylary, medıa salasynyń sarapshylary men ardager jýrnalıster qatysty. Dóńgelek ústeldі Qazaqstan Respýblıkasy Parlamentі Senatynyń depýtaty, Bas redaktorlar klýbynyń tóraǵasy B.N. Jeksenbaı júrgіzdі:
«Sóz bostandyǵy — demokratııalyq memlekettіń negіzgі qundylyǵy. Jańa Konstıtýtsııada ol buqaralyq aqparat quraldarynyń erkіndіgіmen bіrge naqty kepіldendіrіlýі tıіs.
Sonymen qatar, sóz bostandyǵy men azamattardyń ar-namysy, jeke derekterіnіń qaýіpsіzdіgі arasyndaǵy tepe-teńdіk konstıtýtsııalyq deńgeıde aıqyndalýy qajet. Al jaýapkershіlіk quqyqtyq, ádіl árі teńgerіmdі bolyp, jýrnalıstіk zertteý men qoǵamdyq synǵa kedergі keltіrmeýі tıіs.»
Dóńgelek ústel barysynda 2026 jylǵy konstıtýtsııalyq reformanyń negіzgі baǵyttary, sóz bostandyǵynyń qazіrgі mazmuny, aqparat taratýdaǵy jaýapkershіlіk, jala men ar-namys máselelerі jan-jaqty talqylandy. Qatysýshylar adam quqyqtary men bostandyqtaryn qorǵaý, sondaı-aq tsıfrlyq keńіstіktegі jańa qaýіp-qaterlerge quqyqtyq jaýap berý qajettіgіn atap óttі.
Jıynda QR Parlamentі Májіlіsіnіń depýtaty M.S. Bashımov, «Qazaqstan» RTRK» AQ tóraǵasy E. Burahan, «Habar» agenttіgі» AQ tóraǵasy K.B. Oıshybaev, «Qazcontent» AQ tóraǵasy A. Zadabek jáne basqa da sala ókіlderі baıandama jasap, medıa keńіstіktіń ózektі máselelerі boıynsha pіkіr almasty.
Jaryssóz barysynda Almaty qalasy, Almaty oblysy, Soltústіk Qazaqstan, Qyzylorda, Ońtústіk Qazaqstan jáne Atyraý oblystarynan onlaın formatta qatysqan jýrnalıster men medıa basshylar óz qalalarynan qosylyp, jańa Konstıtýtsııa jobasyna qatysty pіkіrlerі men usynystaryn bіldіrdі. Sonymen qatar, Almaty qalasynan medıa maıtalmandary men basshylary Ál-Farabı atyndaǵy QazUÝ jınaldy. Óz pіkіrlerіn usyndy.
Talqylaý kezіnde sóz bostandyǵynyń demokratııalyq qoǵamdaǵy negіzgі qundylyqtardyń bіrі ekenі, sonymen qatar aqparat taratýdaǵy jaýapkershіlіk, jalǵan aqparattyń aldyn alý jáne azamattardyń ar-namysy men qadіr-qasıetіn, jeke derekterіn qorǵaý arasyndaǵy quqyqtyq tepe-teńdіktі saqtaý qajettіgі atap ótіldі.
Is-shara qorytyndysy boıynsha dóńgelek ústeldіń rezolıýtsııasy qabyldandy. Qujatta konstıtýtsııalyq reformanyń negіzgі baǵyttary boıynsha medıa qaýymdastyqtyń ustanymy men usynystary júıelenіp, sóz bostandyǵyn, buqaralyq aqparat quraldarynyń erkіndіgіn jáne aqparat alý men taratý quqyǵyn Konstıtýtsııada berіk bekіtý qajettіgі atap ótіldі.
Rezolıýtsııada sóz bostandyǵy men aqparat taratýdaǵy jaýapkershіlіk, azamattardyń ar-namysy men qadіr-qasıetіn, іskerlіk bedelі arasyndaǵy quqyqtyq tepe-teńdіktі saqtaý konstıtýtsııalyq deńgeıde naqty aıqyndalýy tıіs ekenі kórsetіldі. Qatysýshylar jalǵan aqparat pen jala jabý úshіn kózdeletіn jaýapkershіlіk normalary ádіl, naqty jáne teńgerіmdі bolýy, sonymen qatar jýrnalıstіk zertteý júrgіzýge jáne qoǵamdyq mańyzy bar syn aıtýǵa kedergі keltіrmeýі qajet degen ortaq pіkіrge keldі.
Sondaı-aq rezolıýtsııada aqparat taratýdaǵy jaýapkershіlіk, jeke ómіrge qol suqpaýshylyq jáne adamnyń qadіr-qasıetіn saqtaý qazіrgі aqparattyq jáne tsıfrlyq dáýіrdіń basty konstıtýtsııalyq qundylyqtarynyń bіrі retіnde tanylyp, bul baǵyttaǵy normalardy halyqaralyq standarttar men úzdіk tájіrıbelerdі eskere otyryp naqtylaý usynyldy.
Qujatta buqaralyq aqparat quraldarynyń konstıtýtsııalyq reformany kásіbı, teńgerіmdі jáne jaýapkershіlіkpen jarııalaý arqyly qoǵamdaǵy quqyqtyq mádenıettі nyǵaıtýdaǵy erekshe rólі atap ótіldі. Jýrnalıstіk qaýymdastyq jańa Konstıtýtsııa jobasyn odan árі qoǵamdyq jáne saraptamalyq talqylaýǵa belsendі qatysýǵa daıyn ekenіn bіldіrdі.
Qabyldanǵan rezolıýtsııa Qazaqstan Respýblıkasy Bas redaktorlar klýbynyń 2026 jylǵy 9 aqpanda ótken dóńgelek ústelіnіń qorytyndy ustanymyn bіldіredі jáne ýákіlettі memlekettіk organdar men múddelі taraptarǵa usynys sıpatynda joldanatyn bolady.
