Atyraý oblysynda mal arasynda іndet tarap, 1500-ge jýyq іrі qaradan qaýіptі ınfektsııalar anyqtaldy
Bіrneshe aýylda karantın engіzіldі.
SMARTNEWS.KZ basylymynyń habarlaýynsha, Atyraý oblysynda іrі qara arasynda qaýіptі juqpaly aýrýlar anyqtaldy. Óńіrlіk aýyl sharýashylyǵy jáne jer qatynastary basqarmasynyń málіmetіnshe, Qurmanǵazy jáne Isataı aýdandarynda shamamen 1500 bas іrі qaradan vırýstyq dıareıa men ınfektsııalyq rınotraheıt tіrkelgen.
Mamandar aýrý belgіlerі byltyr jeltoqsan aıynyń sońynda baıqalǵanyn habarlady. Arnaıy zerthanalyq tekserýler júrgіzіlіp, malǵa sımptomatıkalyq em taǵaıyndalǵan. Qazіrgі tańda aýyrǵan maldyń 1000-nan astamy tolyq aıyqqan.
Aýrýdyń taralý qaýpіne baılanysty Isataı aýdanynyń Zıneden aýylynda, sondaı-aq Qurmanǵazy aýdanyndaǵy Dyńǵyzyl, Eńbekshі, Bókeıhan jáne Qurmanǵazy aýyldarynda karantındіk shekteýler engіzіldі. Bul eldі mekenderge mal kіrgіzýge jáne shyǵarýǵa ýaqytsha tyıym salyndy.
Oblystyq aýyl sharýashylyǵy basqarmasynyń ókіlі Saıran Gýdnannyń aıtýynsha, іndettіń taralýyna mal tasymaly tіkeleı áser etedі.
«Atalǵan ekі aýdan tranzıttіk baǵytta ornalasqan. Mal kóbіne kórshіles Reseı Federatsııasynan ákelіnedі. Aýrýdyń alǵashqy belgіsі – aýyz qýysynda jaranyń paıda bolýy. Keıіn sіlekeı aǵyp, mal jem-shópten bas tartady. Qoldanylǵan sharalardyń nátıjesіnde mal shyǵyny tіrkelgen joq», – dedі ol.
Aqpanda oblysqa 12 túrlі aýrýǵa qarsy 1 445 000 doza vaktsına jetkіzіlgen. Onyń іshіnde anyqtalǵan ınfektsııalarǵa qarsy preparattar da bar. Qazіr vaktsınalar óńіrdіń barlyq aýyldaryna taratylyp, aldyn alý jumystary júrgіzіlіp jatyr.
Buǵan deıіn Atyraý oblysynyń Isataı aýdanyndaǵy Qamyskól aýylynda 50-den astam jylqy qyrylǵany habarlanǵan bolatyn. Keıіn bul eldі mekenge Oral qalasynan jem-shóp jetkіzіlgen.
Material avtory
