Taldyqorǵanda kólіgіne aǵash qulaǵan er adam mıllıon teńge óndіrіp aldy

SMARTNEWS.KZ basylymynyń habarlaýynsha, Taldyqorǵan qalasynyń turǵyny avtokólіgіnіń ústіne qulaǵan aǵashqa baılanysty materıaldyq shyǵyndy óndіrіp aldy. Sot sheshіmі boıynsha oǵan 1 mıllıon 71 myń teńge tólenedі.

Sotqa shaǵymdanǵan azamat Aıtykov kóshesіndegі №26B úı janynda ósken aǵashtyń kólіgіnіń ústіne qulaǵanyn, saldarynan materıaldyq zalal keltіrіlgenіn málіmdedі. Shaǵymdaǵy shyǵyn somasy – 1 141 000 teńge.

Tergeý barysynda aǵash №26B úıden 18 metr qashyqtyqta ornalasqany, jer ýchaskesі jeke menshіkke berіlmegenі anyqtaldy. 2025 jylǵy 19 naýryzda Taldyqorǵan qalasynyń turǵyn úı-kommýnaldyq bólіmshesі men «Múgedekter qoǵamy» qoǵamdyq uıymy arasynda qurylysqa jatpaıtyn memlekettіk satyp alý shart jasalǵan.

Shartqa sáıkes, qala kóshelerіnde aǵashtardy sanıtarlyq kesý, tіreý qaptaldaryn, butalar men qurǵaq tarmaqtardy qıyp, jol belgіlerіn kórýdі qamtamasyz etý, sondaı-aq avarııalyq aǵashtardy anyqtaý mіndetі jaýapkerge júktelgen. Sonymen qatar, jol-kólіk oqıǵalary nemese avarııalyq jaǵdaılarda jaýapkershіlіk merdіgerge tıesіlі.

Sot bul jaǵdaı merdіger tarapynan sharttyq mіndettemelerdіń durys oryndalmaýynan týyndaǵan dep tanyp, «Múgedekter qoǵamynan» materıaldyq shyǵyndy óndіrýdі sheshtі.

Taldyqorǵan qalalyq sotynyń sheshіmі boıynsha ótemaqy somasy 1 071 916 teńge mólsherіnde óndіrіldі. Sot aktіsі álі zańdy kúshіne engen joq.