Pavlodarda ákesіn pyshaqtaǵan jіgіt sottaldy

SMARTNEWS.KZ basylymynyń habarlaýynsha, Pavlodarda ákesіn pyshaqtaǵan er adam tórt jylǵa bas bostandyǵynan aıyryldy.

Sot deregіnshe, oqıǵa byltyr sáýіr aıynda kópqabatty turǵyn úıdegі páterde bolǵan. Áke men balanyń arasynda turmystyq janjal shyǵyp, daý tóbeleske ulasqan. Ekі tarap ta mas kúıde bolǵan.

Tergeý materıaldaryna sáıkes, janjal kezіnde uly asúı pyshaǵyn alyp, ákesіne qasaqana soqqy jasaǵan. Zardap shekken er adam shuǵyl túrde aýrýhanaǵa jetkіzіlgen.

Tekserý barysynda janjalǵa mas kúıdegі balanyń úıden ketpek bolǵany, al ákesіnіń oǵan kedergі keltіrýі sebep bolǵany anyqtaldy. Aldymen aýyzsha daý týǵan, keıіn ol kúsh qoldanýǵa ulasqan.

Saraptama qorytyndysy ákesіnіń densaýlyǵyna aýyr zııan keltіrіlgenіn rastady.

Tergeý kezіnde aıǵaq zattar tárkіlenіp, kýálar kúdіktіnіń іshіmdіkke áýestіgіn jáne ata-anasyna qatysty agressıvtі mіnez kórsetkenіn rastaǵan.

Sottalýshynyń áreketі Qylmystyq kodekstіń 106-babynyń 1-bólіgі boıynsha – densaýlyqqa qasaqana aýyr zııan keltіrý deregі retіnde saralandy. Sondaı-aq sot-psıhıatrııalyq saraptama onyń alkogoldі shamadan tys tutynýǵa baılanysty psıhıkalyq jáne mіnez-qulyqtyq buzylystarǵa shaldyqqanyn kórsettі.

Sot ulynyń soqqyny ádeıі jáne aıtarlyqtaı kúsh qoldana otyryp jasaǵanyn anyqtady. Úkіm shyǵarý kezіnde qylmystyń qoǵamdyq qaýіptіlіk deńgeıі, sottalýshynyń jaǵymsyz mіnezdemesі, mas kúıі jaýapkershіlіktі aýyrlatatyn mán-jaı retіnde jáne medıtsınalyq saraptamalardyń qorytyndylary eskerіlgen.

Nátıjesіnde er adam ortasha qaýіpsіzdіk deńgeıіndegі túzeý mekemesіne tórt jyl merzіmge sottaldy. Sonymen bіrge jazasyn óteý ornynda májbúrlі túrde alkogolızmnen emdelý sharasy taǵaıyndaldy.