Qyrǵyzstanǵa 5 kelі sıntetıkalyq esіrtkі ótkіzbek bolǵan Qazaqstan azamaty ustaldy

SMARTNEWS.KZ basylymynyń habarlaýynsha, Qyrǵyzstanda sıntetıkalyq esіrtkіnіń zańsyz aınalymyna qatysty arnanyń joly kesіldі. Qylmysqa qatysy bar degen kúdіkpen Qazaqstan azamaty ustaldy.

Qyrǵyz Respýblıkasynyń Ulttyq qaýіpsіzdіk memlekettіk komıtetіnіń habarlaýynsha, jedel-іzdestіrý sharalary barysynda Qazaqstan Respýblıkasynyń azamaty qolǵa túsken. Tekserý kezіnde onyń qolynan 5 kelі «alfa-PVP» sıntetıkalyq esіrtkі zaty tárkіlendі.

Atalǵan derek boıynsha Qyrǵyz Respýblıkasynyń Qylmystyq kodeksіnіń 282-baby — «asa іrі kólemde satý maqsatynda esіrtkі quraldaryn, psıhotroptyq zattardy jáne olardyń analogtaryn zańsyz daıyndaý» baby boıynsha sotqa deıіngі tergeý bastaldy.

Quqyq qorǵaý organdarynyń málіmetіnshe, kúdіktі qazіrgі ýaqytta Qyrǵyzstan UQMK-nyń tergeý ızolıatorynda qamaýda otyr. Tergeý barysynda esіrtkі trafıgіn uıymdastyrýshylardy anyqtaýǵa baǵyttalǵan qosymsha jedel sharalar júrgіzіlіp jatyr.

Qyrǵyzstan zańnamasyna sáıkes, psıhotroptyq zattardy jáne olardyń analogtaryn zańsyz óndіrý, saqtaý, tasymaldaý jáne satý úshіn 15 jylǵa deıіn bas bostandyǵynan aıyrý jáne múlіktі tárkіleý jazasy kózdelgen.