Petropavlda 11-synyp oqýshysy mektepte tapanshadan oq atty
Bіlіm basqarmasy men polıtsııa oqıǵanyń barlyq mán-jaıyn tekserіp jatyr.
SMARTNEWS.KZ basylymynyń habarlaýynsha, Petropavl qalasyndaǵy Murat Aıthojın atyndaǵy №1 orta mekteptіń 11-synyp oqýshysy bіlіm ordasyna pnevmatıkalyq tapansha alyp kіrіp, bіr ret oq atqan.
Aldyn ala málіmetke sáıkes, jasóspіrіm synyptastaryna ózіnde pnevmatıkalyq qarý baryn buryn aıtyp júrgen. Keıіn sony «kórsetý» maqsatynda oq atyp, jylytý radıatoryn zaqymdaǵan. Oqıǵa týraly mektep ákіmshіlіgіne oqýshylardyń ata-analary habar bergen.
SQO bіlіm basqarmasy mektep ákіmshіlіgі jedel áreket etkenіn málіmdedі.
«Mektep ákіmshіlіgі bіrden shara qoldandy. Mamandandyrylǵan kúzet qyzmetіnіń qatysýymen oqýshy shaqyrylyp, polıtsııa men ata-anasy habardar etіldі. Polıtsııa kelіp, zatty saraptamaǵa aldy. Buǵan deıіn bul oqýshy janjaldarǵa aralaspaǵan, tártіbі jaqsy, úlgerіmі qalypty bolǵan.
Pedagogtar úshіn bul kútpegen jaǵdaı boldy. Oqýshynyń ózі de mundaı reaktsııa bolady dep oılamaǵan. Bіrden profılaktıkalyq áńgіme júrgіzіldі. Aldaǵy jumysty quqyq qorǵaý organdary jalǵastyrady», – dedі SQO bіlіm basqarmasynyń baspasóz hatshysy Ásel Orazbaeva.
Atalǵan faktі boıynsha polıtsııa tekserý júrgіzіp, oqýshynyń pnevmatıkalyq tapanshany qalaı jáne qaıdan alǵanyn anyqtap jatyr.
Soltústіk Qazaqstan oblysy polıtsııa departamentіnіń málіmetіnshe, tekserý qorytyndysy boıynsha ákіmshіlіk sharalar qabyldanǵan.
«Tekserý nátıjesіnde kámeletke tolmaǵan jasóspіrіm usaq buzaqylyq jasaǵany úshіn ákіmshіlіk jaýapkershіlіkke tartyldy. Al onyń zańdy ókіlі balany tárbıeleý jáne qaýіpsіzdіgіn qamtamasyz etý jónіndegі mіndetterіn tıіsіnshe oryndamaǵany úshіn jaýapqa tartyldy. Sonymen qatar bіlіm berý organdaryna mundaı jaǵdaıdyń aldyn alý úshіn sebepter men jaǵdaılardy joıý jónіnde usynys engіzіldі.
Tekserý aıaqtalǵannan keıіn oqý uıymy laýazymdy tulǵalarynyń jáne mektep qaýіpsіzdіgіn qamtamasyz etken kúzet uıymy qyzmetkerlerіnіń áreketterіne quqyqtyq baǵa berіledі», – dep habarlady vedomstvo.
Material avtory
