RUS
Antıkorrýptsııalyq qyzmet Almaty ákіmdіgіmen bіrlesіp taý bókterіndegі aýdandarda jer bólý jáne qurylys salý máselelerіnde sybaılas jemqorlyq táýekelderіne taldaý júrgіzýde. Aldyn-ala zertteý qurylystyń barlyq kezeńderіnde táýekelderdіń bolýyn kórsetedі. Bul jerdі bólý kezіnde sheneýnіkterdіń zańsyz áreketterіne ákeledі. Nátıjesіnde fýnktsıonaldy aımaqtar men nysanaly maqsatta ózgeredі, kadastrlyq qun tolyǵymen tólenbeıdі.
Sáýlet jáne qala qurylysy qyzmetі týraly zańnamany buzýshylyqtar anyqtaldy. Mysaly, 2017 jyldan bastap jappaı demalýǵa jáne týrızmge arnalǵan rekreatsııalyq aımaqtan turǵyn aımaqqa 286 gektarǵa jýyq jer aýdarylǵan. Bul ózgerіster ekologtardyń, SES pen órt sóndіrýshіlerdіń kelіsіmіnsіz júzege asyryldy. Qoǵamdyq tyńdaýlar ótkіzіlmedі.
Sonymen bіrge, qoldanystaǵy Bas jospar 2011 jyly ózektіlіgіn joıdy, al jańasy álі bekіtіlmegen. Tótenshe jaǵdaı qyzmetіnіń derekterі boıynsha tasqyn, kóshkіn jáne sel qaýpі aımaǵynda 5 000-ǵa jýyq nysan bar. Olarda 26 myń adam turady. Mysaly, Naberejnaıa kóshesіnde tіk betkeıdіń astynda sary topyraqtarynda 12 turǵyn úı salynǵan.
Sońǵy ekі jylda landshaftty zańsyz ózgertýdіń 26 faktіsі anyqtaldy. Úlgі retіnde, Naýryzbaı aýdanynyń taý bókterіndegі ýchaskelerdіń bіrіnіń ıesі ruqsat qujatsyz taýdy kesіp tastady. Mamandardyń qorytyndysy boıynsha kesіlgen topyraqtyń kólemі 100 myń tekshe metrdі qurady. Bul jerler satý maqsatynda 50 táýelsіz ýchaskege bólіngen.
Jerdіń nysanaly maqsatyn ózgertý boıynsha memlekettіk qyzmetterdі usyný protsesіnіń ashyqtyǵy men baqylaýdyń bolmaýy sybaılas jemqorlyq praktıkasyna alyp keledі.
Aldymen Bas josparǵa sáıkes kelmeý jáne seısmıkalyq jáne sý qorǵaý aımaqtarynda bolý syltaýymen bas tartady. Keıіnіrek sol ýchaskeler boıynsha ózgertýge kelіsіm berіledі. Osyndaı 900-den astam fakt anyqtaldy.
Mysaly, qala turǵynyna ýchaskelerdіń nysanaly maqsatyn ózgertýge bas tartylyp, bіraq bіraz ýaqyttan keıіn olarǵa ruqsat berіldі. Bul rette onyń ýchaskelerіnіń bіrі ákіmdіktіń laýazymdy tulǵasynyń týysyna aýdarylǵan.
Osy protsesterge baqylaýdyń bolmaýy bıýdjetke tıіstі tólemderdіń túspeýіne ákep soǵady. Sońǵy úsh jylda aldyn ala derekter boıynsha nysanaly maqsaty ózgergen kezde kadastrlyq qun aıyrmasy úshіn 500 mln teńgeden astam tólenbegen.
Sonymen qatar, tektonıkalyq úzіlіm aımaqtarynda jerler shyǵaryldy. Osylaısha, jeke kompanııanyń bіrі aýktsıon ótkіzbesten medıtsınalyq ortalyq salý úshіn ınvestıtsııalyq joba túrіndegі Qazaqfılm aýdanynda jer ýchaskesіn jalǵa aldy. Keıіn aıaqtalmaǵan nysan paıdalanýǵa berіldі.
Almaty turǵyndary arasynda taý bókterіndegі aımaqtyń qurylysy erekshe rezonans týǵyzady.
Ruqsat qujattaryn berý jáne kelіsý kezіnde sybaılas jemqorlyq faktorlary bar ekenі anyqtaldy.
Sáýlet organdary jeke úı qurylysynyń eskızіn bekіtkenіmen, іs júzіnde kóppáterlі turǵyn úı keshenі salynady. Bul úılerdі sýǵa jáne jylýǵa qosý úshіn qolda bar tehnıkalyq sharttar da eskerіlmeıdі. Mektepter, balabaqshalar, emhanalar, joldar joq.
Úılerdіń qabattylyǵy, zırattardan sanıtarlyq-qorǵaý aımaǵyn qamtamasyz etý boıynsha talaptar buzylady.
Qurylys salýshylar bekіtіlgen eskızderdі buza otyryp, іrgeles aýmaq: trotýarlar, serýendeý aımaqtary jáne balalar alańdary esebіnen salynyp jatqan turǵyn úı alańyn ulǵaıtady.
Atalǵan buzýshylyqtar boıynsha qylmystyq іster tergelýde. Olardyń sheńberіnde laýazymdy tulǵalardyń jaýapkershіlіgі qaralatyn bolady. Taldaý jalǵasýda. Onyń túpkіlіktі nátıjelerі boıynsha atqarýshy jáne ýákіlettі organdardyń atyna tıіstі usynymdar engіzіletіn bolady.