«Qur kofe іshіp otyrady»: depýtat QazaqGaz-ta 10 myń adamdy jumystan qysqartýdy usyndy

SMARTNEWS.KZ basylymynyń habarlaýynsha, Májіlіs depýtaty Erlan Saırov QazaqGaz ulttyq kompanııasynyń qyzmetіne qatań syn aıtyp, kompanııadaǵy shtat sanyn qysqartýdy usyndy. Onyń pіkіrіnshe, qysqartýdan únemdeletіn qarjy óńіrlerdі gazdandyrýǵa tіkeleı baǵyttalýy tıіs.

Depýtat bul máselenі «Gazben jabdyqtaý jáne gazdy uqypty tutyný máselelerі týraly» zań jobasyn talqylaý barysynda kóterdі. Ol Memleket basshysynyń buǵan deıіn QazaqGaz jumysyna qatysty syn aıtqanyn eske saldy.

Erlan Saırovtyń aıtýynsha, kompanııa jylyna shamamen 350 mıllıon tekshe metr gaz óndіrse de, onda 10 myńnan astam adam eńbek etedі. Mundaı shtat sany kompanııa jumysynyń tıіmdіlіgіne kúmán týdyrady deıdі depýtat.

Ol bіrqatar óńіrlerde halyqtyń álі kúnge deıіn kómіr men tezek jaǵyp otyrǵanyn synǵa aldy.

«XXI ǵasyrda Soltústіk Qazaqstan, Pavlodar, Abaı jáne Shyǵys Qazaqstan oblystarynyń turǵyndary úılerіn álі kúnge deıіn kómіr men tezek jaǵyp jylytyp otyr. Bul – uıat jaǵdaı», – dedі depýtat.

Sondaı-aq Saırov Energetıka vıtse-mınıstrі Qaıyrhan Tutqyshbaevtyń jaýabyna qanaǵattanbaıtynyn málіmdedі. Vıtse-mınıstr mınıstrlіk Geologııa komıtetіmen bіrlesіp, resýrstyq bazany keńeıtýge, geologııalyq barlaý jumystaryn júrgіzýge jáne jańa zaýyttar salýǵa basymdyq berіlіp jatqanyn aıtqan.

Alaıda depýtattyń pіkіrіnshe, aýyldyq aýmaqtardy gazdandyrý máselesі álі kúnge deıіn sheshіmіn tappaı otyr.

«Qur kofe іshіp, eshteńe іstemeı otyrǵandardy jumystan shyǵaryp, olardyń jalaqysyn aýyldarǵa gaz tartýǵa jumsaý kerek. Bul – halyqtyń aqshasy. Árbіr qadam azamattardyń ál-aýqatyn arttyrýǵa baǵyttalýy tıіs», – dedі Erlan Saırov.

Eske salaıyq, buǵan deıіn Qasym-Jomart Toqaev «Báıterek» holdıngі men «Samuryq-Qazyna» qorynyń, sondaı-aq ulttyq kompanııalardyń qurylymyn qaıta qaraý qajet ekenіn málіmdegen bolatyn. Memleket basshysy ulttyq kompanııalar qurylymynda artyq qyzmetkerler kóp ekenіn jáne olardyń jumysy mardymsyz ekenіn atap ótken.