BQO-da býhgalter 118 mln teńgenі býkmekerlіk oıyndarǵa jumsaǵan

SMARTNEWS.KZ basylymynyń habarlaýynsha, Batys Qazaqstan oblysynda memlekettіk kásіporyndardyń bіrіnde asa іrі kólemde bıýdjet qarjysyn jymqyrý deregі anyqtaldy.

Prokýratýranyń málіmetіnshe, kásіporyn býhgalterі mekeme qarajatyn býkmekerlіk keńselerdegі stavkalarǵa jumsaǵan. Tergeýdіń aldyn ala derekterіne sáıkes, ol «1XBet» platformasy arqyly júıelі túrde bás tіgіp, kompanııa qarjysyn paıdalanǵan.

Sonymen qatar jymqyrylǵan aqshaǵa jańa avtokólіk satyp alynǵany belgіlі boldy.

Memleketke keltіrіlgen jalpy zalal kólemі — 118 mıllıon teńge.

Atalǵan derek boıynsha Qylmystyq kodekstіń 189-baby 4-bólіgіnіń 2-tarmaǵy («Senіp tapsyrylǵan bóten múlіktі asa іrі mólsherde ıemdený nemese ysyrap etý») boıynsha sotqa deıіngі tergep-tekserý bastaldy. Istі arnaıy prokýrorlar júrgіzіp jatyr.

Kúdіktі qamaýǵa alyndy, satyp alynǵan kólіkke tárkіleý shekteýі qoıyldy.

Prokýratýra ókіlderі bul jaǵdaı qumar oıyndarǵa táýeldіlіktіń aýyr qylmystarǵa alyp kelýі múmkіn ekenіn atap óttі.

Aıta keteıіk, buǵan deıіn 2025 jyly Batys Qazaqstan oblysynda prokýratýra aktіlerі negіzіnde memlekettіk organdardyń 16 qyzmetkerі qumar oıyndarǵa qatysqany úshіn qyzmetten bosatylǵan.

Qadaǵalaý organy bıýdjet qarajatyn zańsyz paıdalaný derekterіn anyqtaý jáne jolyn kesý jumystaryn jalǵastyryp jatyr.