Bıyl Otan qorǵaýshylar jáne Jeńіs kúnіne oraı áskerı sherý ótpeıdі
Bıyl elіmіzde 7 mamyr - Otan qorǵaýshy jáne 9 mamyr - Jeńіs kúnі meıramyna oraı áskerı sherý ótpeıtіn boldy, dep habarlaıdy smartnews.kz saıty Qorǵanys mınıstrlіgіnіń baspasóz qyzmetіne sіlteme jasap.
«Bıýdjet qarajatyn únemdeý maqsatynda jáne basqa da mіndetterdі sheshý qajettіgіne baılanysty bıyl elіmіzde áskerı sherý ótpeıdі. Jalpy alǵanda qazіrgі ýaqyttaǵy mańyzdy basymdyq - Qazaqstan Qarýly kúshterі bólіmshelerіnіń jaýyngerlіk ázіrlіgі men utqyrlyǵyn talap etіletіn deńgeıde ustap turý», - delіngen habarlamada.
Sondaı-aq, resmı aqparatta Qorǵanys mınıstrlіgі áskerı-patrıottyq іs-sharalardy josparlap, ótkіzіp jatqany aıtylǵan.
«Atalǵan sharalar erekshe kózge túsken áskerı qyzmetshіlerdі qurmetteý, soǵysta qaza tapqan qazaqstandyq jaýyngerlerdі eske alý jáne olardyń erlіgіn buqaralyq aqparat quraldarynda jarııalaý maqsatyn kózdeıdі», - deıdі vedomstvodan.
7 jáne 9 mamyr merekelerіne arnalǵan sharalar týraly aqparat jýyrda mınıstrlіktіń resmı saıtynda jarııalanady.