Talǵardaǵy qandy oqıǵanyń aldyn almaǵan polıtseılerge qatysty іster sotta qaralyp jatyr
Ýchaskelіk ınspektorlar kіshkentaı qyzdy alyp qashý men kіsі ólіmі іsіnіń aldyn almaǵan.
SMARTNEWS.KZ basylymynyń habarlaýynsha, Almaty oblysynyń sotynda Talǵar aýdanyndaǵy aýyr qylmysqa baılanysty ekі ýchaskelіk polıtsııa qyzmetkerіne qatysty qylmystyq іster qaralýda.
2025 jylǵy 6 qyrkúıekte Almaty oblysynyń prokýratýrasy Talǵar aýdandyq polıtsııa basqarmasynyń qyzmetkerlerіne qatysty Qylmystyq kodekstіń 370-babynyń 4-bólіgі – «laýazymdy adamdardyń áreketsіzdіgі» deregі boıynsha qylmystyq іs qozǵaǵan. Tergeý nusqasyna sáıkes, polıtseıler kámeletke tolmaǵan qyzdy alyp qashyp, er adamdy óltіrdі degen kúdіktіnі ýaqtyly ustaý sharalaryn qabyldamaǵan.
Almaty oblystyq sotynyń habarlaýynsha, qazіrgі tańda bul faktіler boıynsha ekі bólek іs sotta qaralyp jatyr jáne burynǵy polıtsııa qyzmetkerlerіne taǵylǵan aıyptar qaıta saralanǵan.
Talǵar aýdandyq sotynda E. esіmdі azamatqa qatysty qylmystyq іs Qylmystyq kodekstіń 371-babynyń 2-bólіgі («salǵyrttyq») jáne 369-babynyń 2-1-bólіgі («qyzmettіk jalǵandyq jasaý») boıynsha qaralyp jatyr. Is sotqa ótken jyldyń sońynda túsken. Istі Talǵar aýdandyq sotynyń sýdıasy Tólebek Sraıylov qarap jatyr. Aıyptalýshyǵa «eshqaıda ketpeý týraly» qolhat túrіndegі bultartpaý sharasy qoldanylǵan.
Al ekіnshі іs D. esіmdі azamatqa qatysty qozǵalyp, ol Qylmystyq kodekstіń 433-babynyń 3-bólіgі – «qylmystyq quqyq buzýshylyqty qasaqana jasyryp qalý» boıynsha aıyptalyp otyr. Oblystyq sottyń málіmetіnshe, ekі іs te ashyq sot otyrysynda qaralýda.
Eske salsaq, 2025 jylǵy 6 qyrkúıekte Talǵar aýdanynda aýyr qylmys tіrkelgen. Tergeý deregіne sáıkes, kúdіktі er adam áıelmen buryn jaqyn qarym-qatynasta bolǵan. Ekeýіnіń arasynda janjal týyndap, ol áıeldіń aǵasyn atyp óltіrgen. Sonymen qatar kúdіktі kіshkentaı qyzdy alyp ketken.
Keıіn polıtsııanyń arnaıy jasaǵy qyzdy bosatyp, kúdіktіnі ustaǵan. Zardap shekken balaǵa medıtsınalyq kómek kórsetіlіp, ota jasalǵan.
Atalǵan qylmysqa qatysty negіzgі іs 2025 jylǵy 17 qarashada sotqa joldanǵan. Al 4 jeltoqsanda Qaskeleń qalasynda ótken aldyn ala sot otyrysynda sýdıanyń sheshіmіmen іs jabyq rejımde qaralatyn bolǵan.
Material avtory
