Jambyl oblysynda zeınetker óz ulyn úıden shyǵarý úshіn sotqa júgіndі
Zeınetker ana ulynyń ústіnen sotqa talap aryz túsіrdі.
SMARTNEWS.KZ basylymynyń habarlaýynsha, Jambyl oblysynda zeınet jasyndaǵy áıel ózіne tıesіlі turǵyn úıden ulyn májbúrlep shyǵarý týraly talappen sotqa aryz túsіrdі.
Is materıaldaryna sáıkes, atalǵan úı áıelge týǵan ápkesі syıǵa tartqan. 2019 jyly kúıeýі qaıtys bolǵannan keıіn, anasynyń aıtýynsha, uly іshіmdіkke salynǵan, úı іshіnde janjal shyǵaryp, ar-namysyna tıetіn sózder aıtyp, múlіkke zııan keltіrgen.
Sotta belgіlі bolǵandaı, er adam buǵan deıіn qylmystyq jaýapkershіlіkke tartylyp, jazasyn ótegen. Alaıda talapkerdіń málіmdeýіnshe, onyń mіnez-qulqy ózgermegen. Sonymen qatar ol otbasylyq-turmystyq qatynastar salasyndaǵy quqyq buzýshylyqtar úshіn 10 táýlіkke ákіmshіlіk qamaýǵa alynǵan.
Turaqty janjaldar men qysym saldarynan áıel ulyn úıden shyǵarý jónіnde sotqa júgіnýge májbúr bolǵan.
Istі qaraý barysynda tatýlastyrý rásіmderі qoldanylyp, taraptar medıatsııa tártіbіmen kelіsіmge keldі. Kelіsіm sharttaryna sáıkes, eger anasy tarapynan ulynyń zańsyz áreketterі boıynsha polıtsııaǵa kemіnde bіr aryz tússe, ol turǵyn úıden óz erkіmen ketýge mіndettendі.
Sot medıatıvtіk kelіsіmdі bekіtіp, іs júrgіzýdі toqtatty. Sot qaýlysy zańdy kúshіne endі.
Material avtory
