Almatyda ıttі shynjyrmen kólіkke baılap, jolǵa súıretken
Polıtsııa júrgіzýshіnіń jeke basyn anyqtap, jaýapkershіlіkke tartylatynyn málіmdedі.
SMARTNEWS.KZ basylymynyń habarlaýynsha, Almatyda kólіkke shynjyrmen baılanǵan ıttі jol boıymen súıretken oqıǵa boıynsha polıtsııa tekserіs júrgіzіp jatyr.
Oqıǵa 12 aqpanda Almaty qalasyndaǵy Alataý shaǵynaýdanynda bolǵan. Kýágerlerdіń aıtýynsha, qatar kele jatqan ekі kólіktіń bіrіne ıt shynjyrmen baılanyp, asfalt ústіmen súıretіlіp ketken.
Áleýmettіk jelіde taraǵan beınejazbadan janýardyń qatty álsіregenі, tumsyǵy men aıaqtarynda qan іzderі bar ekenі anyq kórіnedі.
Jaǵdaıdy sol mańdaǵy turǵyn áıel toqtatqan. Ol kólіkterdіń sońynan qýyp jetіp, júrgіzýshіnі toqtaýǵa májbúrlep, polıtsııa shaqyrǵan.
Qazіr ıt tіrі. Ol veterınarlyq klınıkaǵa jetkіzіlіp, tekserýden óttі. Aldyn ala málіmet boıynsha, janýar burynǵy ıesіne qaıtarylmaıdy.
Almaty qalasynyń polıtsııa departamentі bul derek boıynsha tekserіs bastalǵanyn habarlady.
«Kólіk ıesіnіń jeke basy anyqtaldy. Ol janýarlarǵa qatygezdіk kórsetkenі úshіn ákіmshіlіk jaýapkershіlіkke tartylady», – dep málіmdedі vedomstvo ókіlderі.
Material avtory
