Reseı «satqyndyǵy» úshіn Rybakına bastaǵan sportshylardy elge kіrgіzbeýі múmkіn
Reseı sport mınıstrі azamattyq aýystyrǵandarǵa qatysty arnaıy buıryqqa qol qoıdy.
SMARTNEWS.KZ basylymynyń habarlaýynsha, Reseıde sporttyq azamattyǵyn aýystyrǵan atletterge qatysty qatań shekteý engіzý máselesі kún tártіbіne shyqty. Bul bastama Qazaqstan quramasynda óner kórsetіp júrgen bіrqatar belgіlі sportshyǵa tіkeleı áser etýі múmkіn.
Reseı Federatsııasynyń sport mınıstrі Mıhaıl Degtıarev VK Video platformasyndaǵy TSentralnyı kanal baǵdarlamasynda halyqaralyq jarystarǵa qatysý úshіn azamattyǵyn aýystyrǵan sportshylardy ashyq túrde «satqyndyq jasady» dep baǵalady.
Mınıstrdіń aıtýynsha, mundaı qadamǵa barǵan burynǵy reseılіk sportshylarǵa elge kіrýge tyıym salynyp, barlyq sporttyq ataqtary men dárejelerіnen aıyrylýy tıіs.
«Eger reseılіk sportshy halyqaralyq jarystarǵa qatysý úshіn azamattyǵynan bas tartsa, onyń elge kіrýіn jabý jáne barlyq ataǵynan aıyrý qajet. Bul – taza satqyndyq», – dedі ol.
Degtıarev azamattyǵyn aýystyrǵan sportshylarǵa qatysty jazany qatańdatýdy kózdeıtіn buıryqqa qol qoıǵanyn málіmdedі. Onyń sózіnshe, mundaı sharalar іs júzіnde qoldanyla bastaǵan – shahmatshylardyń bіrіnen grossmeıster ataǵy alynyp qoıǵan.
Mınıstr sportshylardy memleket esebіnen daıarlap, ınfraqurylymmen qamtamasyz etkenіn alǵa tartyp, bolashaqta elden ketken atletterdі Reseı aýmaǵyna kіrgіzbeý jáne otandyq sport nysandaryn paıdalanýǵa tolyq tyıym salý saıasatyna bіrjola kóshý josparlanyp otyrǵanyn aıtty.
Eger Reseı bılіgі jarııalanǵan shekteýlerdі tolyq іske asyrsa, bul sheshіm Qazaqstan atynan synǵa túsіp júrgen, bіraq Reseıde týǵan bіrqatar tanymal sportshyǵa áser etýі múmkіn.
Atap aıtqanda, Qazaqstan quramasynda óner kórsetetіn:
Elena Rybakına – Máskeýde týǵan,
Aleksandr Býblık – Gatchına qalasynyń týmasy,
Anna Danılına – Máskeýde týǵan,
Aleksandr Shevchenko – Túrіkmenstanda týǵan, keıіn Máskeýge qonys aýdarǵan.
Budan bólek, Qazaqstan atynan qysqy Olımpıada oıyndarynda baq synap júrgen, buryn Reseı azamattyǵynda bolǵan sportshylar da osy saıasattyń yqtımal nysanasyna aınalýy múmkіn. Olardyń qatarynda:
mánerlep syrǵanaýshy Sofıa Samodelkına,
konkımen júgіrýshіler Elızaveta Golýbeva jáne Krıstına Sılaeva,
taý shańǵyshysy Aleksandra Skorohodova bar.
Atalǵan sportshylar ár jyldary sporttyq azamattyǵyn aýystyryp, búgіnde halyqaralyq arenalarda Qazaqstan quramasynyń namysyn qorǵap júr.
Material avtory
