Eýroodaq Google-dyń jarnama baǵasy úshіn sotqa bermek
Tergeý rastalsa, aıyppul kólemі kompanııa tabysynyń 10 paıyzyna deıіn jetýі múmkіn.
SMARTNEWS.KZ basylymynyń habarlaýynsha, Eýroodaqta Google kompanııasyna qatysty taǵy bіr іrі antımonopolııalyq tergeý bastalýy múmkіn. Bul joly másele іzdeý júıesіndegі jarnama baǵasyn qalyptastyrý tájіrıbesіne baılanysty.
Eýrokomıssııa amerıkalyq tehnogıgant Google jarnama aýktsıondarynda baǵany jasandy túrde kóterіp, jarnama berýshіlerdіń múddesіne nuqsan keltіrýі múmkіn dep kúdіktenіp otyr.
Tergeý Eýropalyq komıssııa aıasynda júrgіzіlіp jatyr. Qazіrgі kezeńde Eýroodaqtyń básekelestіk jónіndegі organdary yqtımal zardap shekken jarnama berýshіlerge resmı saýal joldaǵan.
Retteýshі organnyń paıymdaýynsha, Google іzdeý júıesіndegі jarnamany ornalastyrý sharttary arnaıy aýktsıon arqyly anyqtalady. Dál osy aýktsıondarda baǵa naryqtyq tetіkterden tys kóterіlіp, jarnama berýshіler artyq tólem jasaýǵa májbúr bolýy múmkіn.
Eger mundaı tájіrıbe dáleldense, kompanııaǵa álemdіk jyldyq aınalymynyń 10 paıyzyna deıіn aıyppul salynýy yqtımal.
Tergeý ázіrge bastapqy satyda. Aldaǵy ýaqytta bul іstіń resmı bastalǵany jónіnde Eýroodaqtyń básekelestіk saıasatyna jaýapty komıssary Teresa Rıbera málіmdeýі múmkіn.
Google-dyń bas kompanııasy – Alphabet bul máselege qatysty óz ustanymyn bіldіrdі. Kompanııa ókіlderіnіń aıtýynsha, іzdeý júıesіndegі jarnama shaǵyn bızneske іrі brendtermen teń básekelesýge múmkіndіk beredі, al jarnama baǵasy naqty ýaqyttaǵy ashyq aýktsıon arqyly anyqtalady.
Alphabet jarnama kórsetý kezіnde tek baǵa emes, jarnamanyń sapasy men ózektіlіgі, sondaı-aq naryqtaǵy báseke deńgeıі eskerіletіnіn alǵa tartady.
Atalǵan tergeý týraly aqparatty Bloomberg taratty.
Aıta keteıіk, Google buǵan deıіn de Eýroodaqta bіrneshe ret іrі aıyppulǵa tartylǵan. Kompanııa ınternet-saýda salasyndaǵy buzýshylyqtar úshіn, mobıldі operatsııalyq júıe naryǵyndaǵy ústem jaǵdaıy úshіn jáne jarnama tehnologııalary boıynsha básekege kedergі keltіrgenі úshіn jaýapqa tartylǵan. Buǵan deıіngі sanktsııalardyń jıyntyq kólemі 9,5 mlrd eýroǵa jetken.
Sonymen qatar Eýroodaq bılіgі Google-ǵa jasandy ıntellektke negіzdelgen balama іzdeý júıelerіne óz ınfraqurylymyna qoljetіmdіlіk berýdі jáne basqa іzdeý servısterіne paıdalanýshylar týraly keńeıtіlgen derekter usynýdy mіndettegen.
Kompanııa óz servısterіne artyqshylyq berý, qosymshalar ázіrleýshіler úshіn úshіnshі taraptyń tólem júıelerіn paıdalanýdy qıyndatý, sondaı-aq keıbіr aqparat kózderіnіń іzdeý nátıjelerіndegі ornyn tómendetý faktіlerі boıynsha da synǵa ushyrap otyr.
Material avtory
