Elde sheteldіkter úshіn aqyly trassalar qymbattaýy múmkіn
Kólіk mınıstrlіgі tranzıt saldarynan joldardyń tez tozyp jatqanyn alǵa tartty.
SMARTNEWS.KZ basylymynyń habarlaýynsha, Qazaqstanda respýblıkalyq mańyzy bar aqyly avtojoldarmen júretіn sheteldіk tranzıttіk júrgіzýshіler úshіn jolaqy mólsherіn arttyrý usynylyp otyr.
Bastamany Qazaqstan Respýblıkasynyń Kólіk mınıstrlіgі kóterdі. Vedomstvo málіmetіnshe, jańa tártіp sheteldіk tranzıttіk paıdalanýshylarǵa arnalǵan dıfferentsııalanǵan tarıf engіzýdі kózdeıdі. Usynys maqsaty – tranzıttіk kólіkter saldarynan joldardyń tez tozýyna baılanysty kútіp-ustaý jáne jóndeý shyǵyndaryn óteý.
Mınıstrlіktіń túsіndіrýіnshe, qosymsha túsіmder respýblıkalyq jol jelіsіn damytýǵa jáne jol ınfraqurylymyn kútіp ustaýǵa baǵyttalady.
Alaıda bul ózgerіs barlyq sheteldіk júrgіzýshіlerge bіrdeı qoldanylmaıdy. Jańa talaptar Qazaqstanmen jol júrý aqysy jónіnde úkіmetaralyq kelіsіmі joq memleketterdіń azamattaryna ǵana qatysty bolady.
Joba mátіnіnde bul norma Eýrazııalyq ekonomıkalyq odaq elderіne, Qazaqstan Respýblıkasynyń rezıdentterіne jáne jolaqy máselesі úkіmetaralyq kelіsіmderde bólek rettelgen memleketterge qoldanylmaıtyny kórsetіlgen.
Qujat jobasy Ashyq NQA portalynda jarııalanǵan. Eger bastama qabyldansa, jańa tártіp 2026 jylǵy naýryzdyń sońynda kúshіne enedі.
Aıta keteıіk, 2025 jylǵy jeltoqsannan bastap aqyly joldar úshіn tólem jasaý merzіmі 7 kúnnen 30 kúnge uzartylǵan. Bul ózgerіs jeke tulǵalarǵa da, zańdy tulǵalarǵa da qatysty.
Material avtory
