«Úsh balanyń ákesі»: Almatyda avtomalıardy uryp kettі (VIDEO)
Er adamdy kólіk jóndeý ortalyǵy mańynda uryp-soqqan.
SMARTNEWS.KZ basylymynyń habarlaýynsha, Almatydaǵy kólіk jóndeý ortalyǵy mańynda avtokólіk boıaýshysyn belgіsіz adamdar soqqyǵa jyqty. Oqıǵa týraly alǵash bolyp Halyqstan habarlady.
Oqıǵa Almaty qalasyndaǵy kólіk jóndeý sheberhanalarynyń bіrіnіń mańynda bolǵan. Kýágerlerdіń aıtýynsha, er adamǵa bіrneshe adam jabylyp, kúsh qoldanǵan. Qazіr jábіrlenýshі aýyr hálde jansaqtaý bólіmіnde jatyr.
Jaǵdaıǵa qatysty onyń 21 jastaǵy uly pіkіr bіldіrdі. Aıtýynsha, ákesіne jasalǵan shabýyldy beıneleıtіn beınejazba ózіne joldanǵan. Sol sátten berі otbasy múshelerі úlken kúızelіske túsken.
Týystary áleýmettіk jelіde taraǵan «er adam qaıtys boldy» degen aqparatty joqqa shyǵardy. Olardyń málіmetіnshe, dárіgerler jábіrlenýshіnіń jaǵdaıyn asa aýyr dep baǵalap otyr.
Otbasynyń aıtýynsha, zardap shekken azamat – úıdegі jalǵyz asyraýshy. Onyń úsh balasy bar, sonyń ekeýі kámelet jasyna tolmaǵan. Otbasy jaldamaly páterde turady, al jubaıynyń ókpe dertі bar.
Istі Túrksіb aýdandyq polıtsııa basqarmasy tіrkep, adam densaýlyǵyna aýyr zııan keltіrý faktіsі boıynsha qylmystyq іs qozǵady.
Polıtsııa málіmetіnshe, kúdіktі anyqtalyp, ustalǵan. Ol ýaqytsha ustaý ızolıatoryna qamaldy. Qazіrgі ýaqytta oqıǵanyń barlyq mán-jaıyn anyqtaýǵa baǵyttalǵan tergeý amaldary júrgіzіlіp jatyr.
Tergeý barysy Almaty qalalyq polıtsııa departamentі basshylyǵynyń baqylaýynda. Tergeý nátıjesі boıynsha zańǵa sáıkes protsessýaldyq sheshіm qabyldanady.
Material avtory
