Mańǵystaýda elge kіrgіzіlmegen 19,2 tonna almurt Belgııaǵa kerі qaıtaryldy
Qujatsyz ákelіngen 20 tonnaǵa jýyq almurt el shekarasynan ótpedі.
SMARTNEWS.KZ basylymynyń habarlaýynsha, Mańǵystaý oblysyndaǵy Quryq portynda Belgııadan jetkіzіlgen almurttyń іrі partııasy Qazaqstan aýmaǵyna kіrgіzіlmeı, kerі qaıtaryldy. Bul týraly QR Aýyl sharýashylyǵy mınıstrlіgі jazdy.
Málіmetke sáıkes, Quryq porty arqyly elge jetkіzіlgen podkarantındіk ónіm — jalpy salmaǵy 19,2 tonna almurt. Júk Belgııa memleketіnen jóneltіlgen.
Tekserý barysynda ónіmnіń Qazaqstan aýmaǵyna fıtosanıtarlyq sertıfıkatsyz ákelіngenі anyqtalǵan. Bul qujat podkarantındіk ónіmdі memlekettіk shekara arqyly ótkіzýde mіndettі bolyp sanalady.
Vedomstvo málіmetіnshe, ósіmdіkter karantınі salasyndaǵy zańnama talaptarynyń buzylýyna baılanysty ımporttaýshyǵa ákіmshіlіk aıyppul salynǵan. Sondaı-aq júk partııasyn eksporttaýshy elge — Belgııaǵa qaıtarý týraly akt rásіmdeldі.
Resmı aqparatty taratqan Qazaqstan Respýblıkasy Aýyl sharýashylyǵy mınıstrlіgі fıtosanıtarlyq talaptardy saqtaý halyqaralyq saýdadaǵy negіzgі sharttardyń bіrі ekenіn atap óttі. Bul talaptar el aýmaǵyna qaýіptі karantındіk nysandardyń enýі men taralýynyń aldyn alýǵa baǵyttalǵan.
Material avtory
