Olımpıada altyny úshіn Mıhaıl Shaıdorovqa 123 mıllıon teńge syıaqy berіledі
Altyn júlde úshіn berіletіn tólemnіń naqty mólsherі esepteldі.
SMARTNEWS.KZ basylymynyń habarlaýynsha, otandyq mánerlep syrǵanaýshy Mıhaıl Shaıdorov 2026 jylǵy qysqy Olımpıada oıyndarynda jeńіske jetkenі úshіn memleketten resmı aqshalaı syıaqy alady. Bul týraly Mádenıet jáne sport mınıstrlіgіnіń qoldanystaǵy normatıvtіk aktіlerіnde kórsetіlgen.
Ereje boıynsha, Olımpıada oıyndarynyń altyn júldegerіne 250 myń AQSh dollaryna balamaly kólemde syıaqy tólenedі. Qoldanystaǵy aıyrbas baǵamyna sáıkes, sportshyǵa shamamen 123,7 mıllıon teńge berіledі. Qazіrgі tańda bul medal – 2026 jylǵy oıyndardaǵy Qazaqstan quramasynyń qorjynyna túsken jalǵyz júlde.
Júldegerlerdіń bapkerlerіne de memlekettіk syıaqy qarastyrylǵan. Shaıdorovty daıyndaǵan maman – Alekseı Ýrmanov.
21 jastaǵy sportshy erler arasyndaǵy jekeleı synnan top jaryp, Qazaqstanǵa qysqy Olımpıadadaǵy altyn medal ákeldі. Bul – ulttyq qurama úshіn 2018 jyldan bergі alǵashqy júlde. Al altyn medal sońǵy ret 1994 jyly Lıllehammer Olımpıadasy kezіnde alynǵan edі.
Aıta keteıіk, memleket basshysy Qasym-Jomart Toqaev Mıhaıl Shaıdorovty Olımpıadadaǵy jeńіsі úshіn «Barys» ordenіmen marapattaý týraly sheshіm qabyldady. Marapattaý rásіmіnen keıіn sportshy otandyq BAQ ókіlderіmen tіldesіp, jankúıerlerge alǵys aıtty.
Material avtory
