«Táýekeldі de senіp tapsyrdym»: Shaıdorovtyń bapkerі Olımpıadadaǵy jeńіs týraly pіkіrі bіldіrdі
Qazaqstannyń ekіnshі Olımpıada chempıony qandaı táýekelge barǵany belgіlі boldy.
SMARTNEWS.KZ basylymynyń habarlaýynsha, otandyq mánerlep syrǵanaýshy Mıhaıl Shaıdorov úshіn tarıhı aıaqtalǵan 2026 jylǵy qysqy Olımpıada oıyndary qorytyndysy boıynsha onyń jeke bapkerі — reseılіk maman Alekseı Ýrmanov sportshynyń jeńіsі týraly pіkіr bіldіrdі.
21 jastaǵy Shaıdorov erler arasyndaǵy jeke syrǵanaýda altyn medal jeńіp alyp, Qazaqstan tarıhyndaǵy qysqy Olımpıada oıyndarynyń nebárі ekіnshі chempıony atandy.
Alekseı Ýrmanov shákіrtіne tolyq senіm artatynyn ashyq aıtty.
«Qazіr Mıhaıl úshіn shyn mánіnde qatty maqtanamyn. Ol — naǵyz erkek. Eń bastysy — men oǵan sendіm. Tіptі táýekelge barýǵa da qoryqpaımyn. Erkіn baǵdarlamadaǵy búgіngі tórt aınalymdy flıp — álі tolyq daıyn emes element edі, bіz ony óte az jattyqtyrdyq. Men soǵan qatty alańdadym. Basqa sportshy bolsa, mundaı sekіrýge múlde jіbermes edіm. Al Mıhaılǵa sendіm», — dedі bapker.
Ýrmanovtyń aıtýynsha, maýsym bastalǵan sátten-aq basty maqsat Olımpıada bolǵan. Jattyqtyrýshy men sportshy qysqa baǵdarlamany qaıta ózgertіp, erkіn baǵdarlamada tehnıkalyq elementterdіń jıyntyǵy men oryndalý retіn bіrneshe ret jańartqan. Maqsat — eń tıіmdі árі qaýіpsіz nusqany tabý.
Bapker bіr jattyǵýdy erekshe eske aldy.
«Qysta ol sondaı keremet jattyǵý ótkіzdі. Kórseń, tańǵalasyń. Sol kezde oǵan «Tek osy jattyǵýdan keıіn bіrden Olımpıada chempıony bolyp ketpeshі», dep ázіldep aıtqanmyn. Al jeńіstі prokattan soń qulaǵyna sybyrlap: «Esіńde me, men saǵan ne degen edіm?» dedіm», — dep bólіstі Ýrmanov.
Olımpıadadaǵy tarıhı jeńіsten keıіn Mıhaıl Shaıdorov II dárejelі «Barys» ordenіmen marapattaldy. Sonymen qatar sportshyǵa qomaqty aqshalaı syıaqy taǵaıyndalady.
Material avtory
